QR Aýyl sharýashylyǵy ministri Erbol Qarashókeev Úkimet otyrysynda qurǵaqshylyqtyń zardaptary týraly málimet berdi, dep habarlaidy QazAqparat.
«Ósimdik sharýashylyq ónimderi 919,7 mlrd teńgege óndirildi. Bul naqty mánde ótken jyldyń tiisti kezeń deńgeiinen 1,3 paiyz az. Tómendeý vegetatsiialyq kezeńde qalyptasqan topyraq pen atmosfera qurǵaqshylyǵyna bailanysty týyndap, daqyldardyń ósýine teris áser etti. Máselen, oblys ákimderiniń jedel derekteri boiynsha, 1 qyrkúiekke dándi jáne dándi-burshaqty daqyldardyń ortasha túsimi 7,9 tsentnerdi qurady. Bul ótken jyldyń osyndai kúni qalyptasqan túsimdilikten 33,6 paiyz az», - dedi ministr.
Onyń sózine qaraǵanda, ortasha respýblikalyq kórsetkishten joǵary ónim alǵan óńirlerdi saýsaqpen sanaýǵa bolady.
«Oblystar bólinisinde jalpy aýyl sharýashylyǵy ónimderiniń respýblikalyq ortasha deńgeiden joǵary ósý qarqyny 5 oblysta baiqalady. Bul Aqmola, Pavlodar, Qaraǵandy, Qsotanai jáne Shyǵys Qazaqstan oblystary», - dedi Erbol Qarashókeev.
