«Tumar» ulttyq televiziialyq báigesiniń saltanatty marapattaý rásiminde «Jyldyń úzdik telejýrnalisi», «Jyldyń úzdik telejúrgizýshisi» nominatsiialarynyń jeńimpazdary belgili boldy, dep habarlaidy QazAqparat tilshisi.
Saltanatty rásimde «Úzdik rejisserlik jumys» nominatsiiasy boiynsha - Qýanysh Orazalievtiń «Bylo delo» rejisserlik jumysy úzdik dep tanyldy. «Úzdik operatorlyq jumys» nominatsiiasy boiynsha - «Naedine s prirodoi» baǵdarlamasymen «Qazaq TV» top jardy.
«Jyldyń úzdik telejýrnalisi» nominatsiiasyn «Eýraziia» birinshi arnasynan Ashat Niiazov, al «Jyldyń úzdik telejúrgizýshisi» marapatyn Dana Nurjigit jeńip aldy.
«Eń birinshiden osyndai sharany uiymdastyrǵan QR Aqparat jáne kommýnikatsiialar ministrligine alǵys aitqym keledi. «Tumardyń» aýqymy keńeidi. Bul marapat shynynda da jumys sapasynyń etalony bola alatynyna senimim zor. Tarihi reportajdy kórip otyryp, keremet kóńil kúide boldym», - dedi «Jyldyń úzdik telejýrnalisin» marapattaǵan «Forbes Kazakhstan» basylymynyń jetekshisi Armanjan Baitasov.
Eske sala ketsek, «Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báigege qatysýshylardyń joǵary belsendilikterin atap ótý kerek. Ótinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).
2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báige erejesiniń talaptaryna sáikes rásimdelgen 355 konkýrstyq ótinimdi qaraýǵa qabyldady.
Aǵymdaǵy jylǵy báigege 14 nominatsiia boiynsha ótinimder qabyldaý 15 qańtar men 1 naýryz aralyǵynda júrgizilgen.
