Damumed bas direktory Natalia Kil áleýmettik jelide keńinen talqylanyp jatqan qosymsha jazylǵan málimetke qatysty jaǵdaiǵa túsinik berdi, dep habarlaidy "Ult aqparat".
«Bul - tehnikalyq qatelik emes. Damumed mobildik qosymshasy turǵyndar men densaýlyq saqtaý júiesi arasyndaǵy bailanys tetigi retinde daiyndaldy, iaǵni klinikalarmen ári dárigerlermen bailanys ornatý úshin quryldy. Dáriger tarapynan meditsinalyq aqparattyq júiege engizilgen málimetter mobildi qosymshada kórinedi. Alaida barlyq meditsina qyzmetkerleri kináli degen pikirmen kelispeimiz. Qazir jariialanyp jatqar árbir oqiǵanyń ózindik sebebi bar», - dedi Natalia Kil.
Onyń sózine qaraǵanda, patsientter tarapynan túsinispeýshilik jaǵdailary bar.
«Feik jaǵdailary da kezdesedi. Degenmen, Áleýmettik meditsinalyq saqtandyrý qory jariialaǵandai, málimetterdi qosyp jazýdyń dáleldengen oqiǵalary da bar. Sondyqtan ár jaǵdai tekserýdi talap etedi jáne osy ispen meditsinalyq kómekti kórsetý tártibiniń oryndalýyna jaýapty adamdar ainalysýy kerek. Osy jaǵdaida biz senimdi tarap retinde shyǵamyz, iaǵni qoǵamdyq baqylaý tetigi retinde. Bul óz kezeginde tsifrlandyrýdyń nátijesi. Osyndai ashyqtyq qoǵamdaǵy barlyq protsester úshin standart bolýy kerek», - dedi ol.
