Dalen Shaijúnisovtiń týysy Marken Jaqiianuly Tengrinews.kz tilshisine bergen suhbatynda Dalen men Veneranyń úilený toiy qalai ótkenin jáne olardyń qalai tanysqany jaily aityp berdi.
Marken Jaqiianuly úilený toiynyń kóp adam shaqyrylmaýymen jáne óziniń zamanaýilyǵymen, sondai-aq, ulttyq naqyshtyń bolýymen unaǵanyn aitady.
Onyń aitýynsha, is-sharaǵa tek jaqyndary men týystary kelgen. Barlyǵy shamamen 200 adam bolǵan.
"Men kóp toilardy kórdim. Biraq osy toi óziniń zamanaýilyǵymen unady. (...) Dostary da boldy... Adam kóp bolǵan joq.
Sheneýnikter men tańdaýly adamdar bolǵan joq. Tek týystary men jaqyndary dostary boldy, basqa eshkimdi kórmedim. Árine, bul meni qýantty. Toidyń uiymdastyrýshylaryna alǵys aitamyn. (...) Tanymal adamdardan Golovkin, Kirkorov boldy - olar baǵdarlama boiynsha keldi. Qalǵandary ózimizdiń adamdar", - deidi Marken Shaijúnisov.
Onyń aitýynsha, Qazaqstan Prezidenti Nursultan Nazarbaev jastarǵa baqyt, uzaq ómir jáne mahabbat tiledi. Kelgen qonaqtar da jyly lebizderin bildirdi.
"Árqaisysy jyly lebizin bildirdi. (...) Men de tilek aittym", - dep eske aldy Marken Shaijúnisov.
Marken Jaqiianulynyń aitýynsha, Dalen men Venera Almatyda dostary arqyly tanysqan. Venera mektepte joǵary synypta oqyp júrgen, al Dalen ol kezde ýniversitetke túsip qoiǵan. Bastapqyda dos retinde aralasyp júrip, keiin olardyń dostyǵy mahabbatqa ulasqan.
"Olar Almatyda tanysty, dostary uiymdastyrǵan keshterdiń birinde. Dalen ol kezde stýdent boldy, al Venera 10-synypta oqydy. Osylai tanysty. Dostyq mahabbatqa ulasty. Bir-birine ǵashyq boldy. Eki jyl kezdesip júrdi", - dedi Marken Shaijúnisov.
Sondai-aq, onyń aitýynsha, Dalen Venera úshin shetelge kóshý týraly sheshim qabyldaǵan. Venera mektep bitirgen soń Dýbaidaǵy ýniversitetterdiń birine túsken. Muny estigen Dalen Dýbaiǵa aýysqan. Ál-Farabi atyndaǵy Qazaq ulttyq ýniversitetinde zańger mamandyǵyn syrttai oqyp bitirgen.
"Dýbaiǵa ol Venera sonda kóship ketkendikten ketti. Dýbaidaǵy ýniversitetke aýysty. Ekeýi eki túrli fakýltette oqydy. Venera qazir 1-kýrs bitirip otyr", - deidi Dalenniń aǵasy.
Aita keteiik, Dalen Shaijúnisovtiń jasy 22-de.
Eske sala keteiik, osyǵan deiin Nursultan Nazarbaevtyń nemeresi Veneranyń Dalen Shaijúnisovke turmysqa shyqqany habarlanǵan bolatyn. Úilený toiy Almatyda ótken edi.
