Balqash qalasynyń 26 jastaǵy turǵyny, eki balanyń anasy ózin eki er adam zorlaǵanyn aitty. Bul týraly "NeMolchi.kz" qory áleýmettik jelidegi paraqshasynda jazdy, dep habarlaidy Sputnik Kazakhstan.
Jariialanǵan aqparatqa sáikes, oqiǵa 23 maýsym túnde boldy. Sol kúni keshke kelinshek balalaryna airan men nan alý úshin dúkenge barǵan. Úiine qaitar jolda ony eki er adam pyshaqpen qorqytyp, kólikke kúshtep otyrǵyzyp alyp ketken. Er adamdardyń biri áieldiń tanysy bolyp shyqty.
Jábirlenýshiniń kúieýi áielin izdep týystaryna, qurbylary men tanystaryna habarlasqan. Esh habar bolmaǵan soń, 25 maýsymda politsiiaǵa aryzdanǵan.
"NeMolchi.kz" qorynyń aqparatynsha, kúdiktiler áieldi dalaǵa aparyp, túni boiy zorlaǵan. Buǵan qosa ony uryp-soǵyp, temekimen denesin kúidirgen. Al tańǵa jaqyn ony aidalaǵa tastap ketken. Qalaǵa jetý úshin áiel 7-8 saǵat jaiaý júrgen.
"Jábirlenýshi basynan keshirgen jaǵdaidan keiin politsiiaǵa shaǵymdanýǵa bel býady. Alaida politsiiada oǵan qysym kórsetilgen. Áieldiń hálin kórip tursa da, týystaryna eshteńe aitpaǵan. Tek tabylǵanyn habarlaǵan. Sot-meditsinalyq sarapshylar oǵan bylapyt sózder aitqan. Munyń bárin ol óz qolymen jazdy", - dedi qordaǵylar.
Qor ókilderi politseiler jábirlenýshige emes, ony zorlaǵandarǵa kóbirek senetinin málimdedi.
Qaraǵandy oblysy politsiia departamentiniń baspasóz qyzmeti jelide taraǵan aqparatqa túsinikteme berdi.
25 maýsym 12.45-te Balqash politsiiasyna 43 jastaǵy er adam aryzdanǵan. Ol áieli 23 maýsym 21:15 shamasynda dúkenge shyǵyp, sol kúii oralmaǵanyn málimdedi.
Sol kúni, 25 maýsymda 16:00-te atalǵan áiel politsiia bólimine ózi kelip, eki er adam zorlaǵanyn aitty. Bul fakti boiynsha Qylmystyq kodekstiń 120-baby 2-tarmaǵy boiynsha qylmystyq is qozǵaldy.
"Politsiia qyzmetkerleri eki er adamdy anyqtap, ustady. Olardyń biri jábirlenýshimen 2012 jyldan beri tanys eken. Ustalǵandar óz nusqasyn aitty. Tergeý barysynda saraptamalar taǵaiyndaldy, bastapqy sharalar júrgizildi, sonyń ishinde oqiǵa bolǵan jer tekserildi. Qaraǵandy oblysy politsiia departamentiniń tergeý basqarmasy Balqash qalasyna oqiǵanyń mán-jaiy jan-jaqty, tolyq jáne obektivti zertteý úshin jedel tergeý tobyn jiberdi", - dedi politsiia departamenti tergeý basqarmasynyń bastyǵy, politsiia podpolkovnigi Rústem Qulkeev.
Oblystyq politsiia qylmystyq isti tergeý barysyn óz baqylaýyna aldy.
