“Dala Qyrandary” jastar qoǵamdyq birlestiginiń músheleri, sý basqan Qoiandy aýylynyń turǵyndarynyń basyna túsken qiyndyqtaryna bei-jai qaramady. Qoldaryna kúrek pen rezeńke etik alǵan jastar elordamyzdyń kórshilerine qol ushyn sozyp, qar tazalaýǵa kiristi. Bul týraly qoǵamdyq birlestik óziniń áleýmettik jelidegi paraqshasynda jazady.
Osy kúnge deiin erimegen qardy tazalaǵandarynyń arqasynda, aýyl turǵyndarynyń úilerin sý tasqynynan aman saqtap qaldy.
Bundai yntymaq pen qoldaý áreketi, zardap shekkenderge kómektesip qana qoimai, elimiz úshin qiyn-qystaý kezeńde ózara kómek pen birliktiń mańyzdylyǵyn atap ótti.
Sondai-aq, “Dala Qyrandary” jastar qoǵamdyq birlestiginiń músheleri, Astana qalasynda ótken, sý tasqynynan zardap shekken jerlesterimiz úshin gýmmanitarlyq kómekti jinaýǵa at salysyp, qol ushyn sozdy.
Jas belsendiler kelgen qaiyrymdylyqtardy rettep, sý tasqyny bolyp jatqan mekenderge baratyn arnaiy kólikterge júktedi.
Astana qalasynyń Jastar saiasaty máseleleri basqarmasynyń basshysy Samat Ibraev bul jumystyń dene kúshi men uiymdastyrýshylyq qabiletin qajet etetinin aita kele, uiym músheleriniń eńbegine rizashylyǵyn bildirdi.
Mundai áreketter qoǵamymyzdaǵy yntymaq pen ózara kómektiń mańyzdy úlgisine ainalady.
