Daǵdarysqa qarsy sharalardyń jalpy paketi 4,4 trln teńgeni nemese 10 mlrd dollardy quraidy. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy "Ult aqparat".
Bul daǵdarystyq memlekettik apparat pen otandyq biznes úshin silkinýge sep bolady. Onyń sabaqtary eskerilýi tiis. Demek, jedel sharalarmen qatar jaǵdai turaqtanǵannan keiingi ómirdi eskere otyryp, júieli ádister ázirlep, qabyldaýymyz qajet. Shyndyǵyna kelgende biz múldem jańa jahandyq álem aldynda turmyz. Qazaqstan ondan óziniń laiyqty ornyn tabýy tiis. Oryn alǵan jaittyń barlyq qiyndyqtaryna qaramastan ol barynsha appaty emes. Bizde barlyq múmkindikter, qor bar», - dedi QR Prezidenti.
Memleket basshysy eń bastysy eń qolaisyz stsenariige der kezinde daiyndalǵanymyzdy, ne isteý qajettigin biletindigimizdi basa aitty.
«Salyqtyq preferentsiialar men jergilikti deńgeidegi qoldaýlardy esepke almaǵanda daǵdarysqa qarsy sharalardyń jalpy paketi 4,4 trln teńgeni nemese 10 mlrd dollardy quraidy. Bul qarajatty durys jumsaý arqyly biz daǵdarystan jeńimpaz bolyp shyǵatynymyz sózsiz», - dedi Qasym-Jomart Toqaev.
Qazaqstan Prezidenti osyndai jaǵdaida barlyq memlekettik organdar jumyla jumys júrgizýi kerektigin basa aitty.
«Bul – bereke-birligimiz synalatyn ýaqyt. Árbir daǵdarystyń eki jaǵy bar. Birinshiden, bul, álbette – qaýip, biraq ekinshiden, bul – múmkinshilik. Indet, daǵdarys degenimiz – ýaqytsha, ótpeli nárse. Bizdiń aldymyzda turǵan maqsat – múmkindikti barynsha paidalaný, osy daǵdarystan aman-esen shyǵyp, odan da myqty bolýymyz kerek. Biz árqaisymyz óz mindetimizdi jaýapkershilikpen oryndasaq, bul qiyndyqtan tezirek shyǵamyz dep senemin, - dedi Memleket basshysy.
