Almaty ákimi Baqytjan Saǵyntaev Ortalyq kommýnikatsiialar qyzmetinde ótken brifing barysynda qala ekonomikasyn turaqtandyrý úshin qolǵa alynǵan daǵdarysqa qarsy sharalar týraly aitty, dep habarlaidy "Ult aqparat".
Ákimniń habarlaýynsha, Memleket basshysynyń tapsyrmasyna sáikes, qala turǵyndarynyń jumys orny men kiristerin saqtaý maqsatynda sharalar qabyldanǵan.
Ónerkásip, bailanys, qurylys salalarynda ekonomikalyq ósim saqtalǵan. Mysaly, ónerkásip 4,3%-ǵa, qurylys 11,8%-ǵa, paidalanýǵa beriletin baspana kólemi 3,6%-ǵa, bailanys qyzmetteri 8%-ǵa ósti.
2020 jyly megapolistiń negizgi kapitalyna 719,2 mlrd teńge investitsiialandy. Onyń basym bóligi jeke investorlardyń qarajaty. Investitsiialardyń negizgi bóligi jyljymaityn múlikke tiesili (44,9%) bolsa, qalǵan bóligi kelesi salalar boiynsha bólingen.
Ónerkásip (13,8%); kólik jáne qattaý (9,6%); Densaýlyq saqtaý jáne áleýmettik sala (6,2%); sondai-aq qarjy jáne saqtandyrý qyzmetine (6%) bólindi.
Jyl qorytyndysy boiynsha Almatyda quny 176,2 mlrd teńge bolatyn 90 investitsiialyq joba iske asyrylyp, nátijesinde 7,3 myń jańa jumys orny ashylady. Megapolistiń negizgi kapitalyna salynǵan investitsiialardyń jyldyq kólemi 900 mlrd teńgege baǵalanyp otyr.
2020 jyldyń 11 aiynyń qorytyndysy boiynsha memlekettik biýdjetke jinalǵan salyqtar men tólemder ótken jyldyń osy kezeńine qaraǵanda 1%-ǵa kóp. Bul rette qalanyń memlekettik biýdjet kiristerindegi úlesi 23,5-ten 25,7%-ǵa deiin ulǵaidy.
«Daǵdarysqa qarsy sharalardy qabyldaý nátijesinde qala ekonomikasy turaqtandyryldy. Osylaisha, qala epidemiiadan keiin tez qalpyna kelip jatyr», - dep atap ótti B.Saǵyntaev.
3 jeltoqsanda onlain-formatta ótken investitsiialyq forýmnyń nátijeleri boiynsha 1,5 trln teńge somasyna 55 memorandým jasaldy.
