QR Premer-Ministri Asqar Mamin Úkimettiń daǵdarysqa qarsy salyq jeńildigi týraly depýtattar saýalyna jaýap berdi, dep habarlaidy "Ult aqparat".
«Daǵdarysqa qarsy salyq sharalary boiynsha depýtattyq saýaldy qarap shyǵyp, tiisti jaýapty joldaimyz. Ózderińiz bilesizder, tótenshe jaǵdai kezinde Úkimettiń úsh qaýlysy qabyldandy. Onda biznesti qoldaýǵa negizdelgen salyq boiynsha yntalandyrý qadamdary eskerilgen. Halyqqa qyzmet kórsetý, azyq-túlik emes taýarlarynyń saýdasy, týrizm salalary sekildi shaǵyn jáne orta biznestiń osal sektorlar múlik salyǵynan bosatyldy», - dep jazdy A. Mamin depýtattyq saýalǵa bergen jaýabynda.
Onyń sózine qaraǵanda, qabyldanǵan sharalar agroónerkásip kesheni sýbektilerin qamtyp otyr.
«Aýyl sharýashylyǵy ónimderin óndirýshiler jer salyǵyn tólemeidi. 19 pozitsiia boiynsha áleýmettik mańyzy bar azyq-túlik taýarlary úshin qosylǵan qun salyǵynyń mólsherlemesi 2020 jyldyń 1 qazanyna deiin 8 paiyzǵa deiin tómendetildi. Kásipkerlik sýbektileri biylǵy 1 sáýirden bastap 1 qazanǵa deiin 29 qyzmet túri boiynsha eńbekaqy tóleý qorynan salyq jáne basqa da mindetti tólemderden bosatyldy», - dep túsindirdi Úkimet basshysy.
Sonymen qatar Asqar Mamin salyq salasyndaǵy ózge de jeńildikterdi eske saldy.
