Qazaq ulttyq agrarlyq ýniversitetiniń stýdentteri sabannan alyp tiinniń músinin qalai jasaǵanyn Tengrinews.kz tilshisine áńgimelep berdi.
Almaty oblysynyń Qarasai aýdany Almalybaq aýylynda jańa alyp tiin paidy boldy. Ol tiindi 1, 2 jáne 3 kýrs stýdentteri men Ósimdikterdi qorǵaý jáne karantin institýtynyń jumysshylary bes kúnniń ishinde jasap shyqqan. Olarǵa qolda bar saban men taqtaidan basqa eshteńe qajet bolmaǵan.
"Bizde qarajat bolmaǵan soń, neshe shyǵyndaǵanymyzdy eseptemedik. 230 myń teńge ketti degeni jai qaljyń bolatyn. Ol aqparat áleýmettik jelilerde lezde taralyp ketken soń bári solai oilady. Tipti biz sanaǵan joqpyz, bilmeimiz de", - dedi QazUAÝ-niń 2-kýrs stýdenti Aidana Ǵazizqyzy.
Stýdentter sabannan jasalǵan tiin qanshalyqty uzaq turatynyn bilmeitinin aitty. "Qanshalyqty tózimdi bolatyny belgisiz. Múmkin birneshe aiǵa shydar. Biz arnaiy uzaq turatyndai eshteńe qoldanǵan joqpyz", - dep málimdedi qyz.
Tiinniń biiktigi alty metr. Onyń qurylysyna 22 stýdent atsalysqan. Búgin Almaty oblysynyń Qarasai aýdanynda, Almalybaq aýylynda Dala kúnin atap ótti.
Stýdentter bul sharaǵa jyl saiyn "Agrarlyq sektorǵa" nazar aýdartý úshin belsendi qatysyp turady.
Eske sala keteiik, osydan birneshe kún buryn Almatydaǵy "Atakent" saýda ortalyǵynda uzyndyǵy 12 metr, salmaǵy 12 tonnany quraityn tiindi salǵan edi. Ol saban, metall men aǵashtan jasalǵan. Mundai art-qurylystyń baǵasy 23 million teńgege shyqty.
