1 qazannan bastap pandemiiamen kúreske jumyldyrylǵan meditsina qyzmetkerlerine ústemeaqy tóleýdi toqtatý týraly buiryq jobasy Ashyq úkimet portalyna shyǵaryldy, dep habarlaidy "Ult aqparat".
«Osy táýekel toby bir qyzmetkerge ústemeaqy mólsheri 2021 jylǵy 1 tamyzǵa deiin respýblikalyq biýdjet týraly zańda biyl belgilengen eń tómen jalaqynyń jiyrma eselengen mólsherinen jáne 2021 jylǵy 1 qazanǵa deiin – on eselengen ETJM-den aspaidy», - dep jazylǵan buiryqtyń jańa nusqasynda.
Densaýlyq saqtaý ministrliginiń habarlaýynsha, 2021 jylǵy 1 aqpannan bastap halyqty jáne densaýlyq saqtaý júiesi qyzmetkerlerin jappai vaktsinalaý bastaldy. Sonymen birge, meditsina qyzmetkerleri qorǵanys quraldarymen qamtamasyz etilgen.
«Osylaisha, erekshe jáne ziiandy eńbek jaǵdailarynda meditsinalyq kómek kórsetetin densaýlyq saqtaý júiesiniń qyzmetkerlerin qoldaýdyń júieli sharalaryna kóshý maqsatynda ústemaqylar mólsherin kezeń-kezeńimen tómendetý usynylady: tamyzdan qyrkúiekke deiin – belgilengen mólsherden 50% jáne 1 qazannan bastap ústemaqy tóleý toqtatylady.
Bul rette reanimatolog-anesteziologtar, infektsionister, reanimatologiia jáne anesteziologiia bólimsheleriniń anestezisteri, epidemiologtar, psihologtar jáne MSAK áleýmettik qyzmetkerleri, iadrolyq meditsina ortalyǵynyń qyzmetkerleri, iadrolyq meditsina-patologonatomdarǵa ústemeaqy tóleý jalǵasady», - deidi ministrlik.
Atalǵan buiryq 2021 jylǵy 1 tamyzda qoldanysqa engiziledi.
