11 sáýirde Qazaqstanda 2290 adamnyń analizinen koronavirýs infektsiiasy anyqtaldy. 10 sáýirde 15 adam ólimi tirkelgen. Barlyǵynyń koronavirýs testi oń shyqqan.
Koronavirýs naýqastarynyń jalpy sany jóninen birinshi orynda turǵan Almatyda bir kúnde 610 naýqas tirkelgen. Nur-Sultanda – 398, Shyǵys Qazaqstan oblysynda – 33, Pavlodar oblysynda – 48, Atyraý oblysynda – 110, Qaraǵandy oblysynda – 205, Aqmola oblysynda – 108, Batys Qazaqstan oblysynda – 118, Almaty oblysynda – 283, Qostanai oblysynda – 31, Soltústik Qazaqstan oblysynda – 36, Shymkent qalasynda – 53, Jambyl oblysynda – 53, Aqtóbe oblysynda – 105, Túrkistan oblysynda – 27, Mańǵystaý oblysynda – 37, Qyzylorda oblysynda 35 naýqas anyqtalǵan.
Elde indet bastalǵaly barlyǵy 271 809 adamnan koronavirýs infektsiiasy anyqtalǵan. Onyń 234 myńy jazylyp shyqqan, 3236-y qaitys bolǵan. Bul statistikaǵa koronavirýs juqtyrǵany rastalǵan, biraq "ózge aýrýdan qaitys boldy" degen adamdar kirmeidi.
Qazaqstan úkimeti byltyr tamyzdan beri virýs juqtyrǵany PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin júrgizip keledi. Sodan beri elde barlyǵy 51 399 adam pnevmoniianyń osy túrimen tirkelgen. (10 sáýirde osyndai diagnozben 37 naýqas tirkeldi). Onyń 727-si qaitys bolǵan. Bul derek koronavirýstyń resmi statistikasynan bólek júrgiziledi.
Qazir 34 478 adam koronavirýstan emdelip jatyr. 33 myńnan astamynyń koronavirýs testi oń shyqqan. 569 adamnyń jaǵdaiy aýyr, 179 naýqastyń hali óte aýyr. 109 adam jasandy tynys apparatyna qosylǵan.
Úkimet te, sarapshylar da Qazaqstanda vaktsinalaýdyń baiaý júrip jatqanyn aitady. 12 sáýirdegi málimet boiynsha, elde 338 myń adam "Spýtnik V" ekpesiniń birinshi dozasyn alsa, 105 myń adam eki dozasyn da alǵan. Koronavirýsqa qarsy ózge vaktsinalar sekildi "Spýtnik V" ekpesi de eki dozadan turady. Ekinshisi birinshisinen keiin 21 kún ótkende salynady.
