11 سەۋٸردە قازاقستاندا 2290 ادامنىڭ اناليزٸنەن كوروناۆيرۋس ينفەكتسيياسى انىقتالدى. 10 سەۋٸردە 15 ادام ٶلٸمٸ تٸركەلگەن. بارلىعىنىڭ كوروناۆيرۋس تەستٸ وڭ شىققان.
كوروناۆيرۋس ناۋقاستارىنىڭ جالپى سانى جٶنٸنەن بٸرٸنشٸ ورىندا تۇرعان الماتىدا بٸر كٷندە 610 ناۋقاس تٸركەلگەن. نۇر-سۇلتاندا – 398, شىعىس قازاقستان وبلىسىندا – 33, پاۆلودار وبلىسىندا – 48, اتىراۋ وبلىسىندا – 110, قاراعاندى وبلىسىندا – 205, اقمولا وبلىسىندا – 108, باتىس قازاقستان وبلىسىندا – 118, الماتى وبلىسىندا – 283, قوستاناي وبلىسىندا – 31, سولتٷستٸك قازاقستان وبلىسىندا – 36, شىمكەنت قالاسىندا – 53, جامبىل وبلىسىندا – 53, اقتٶبە وبلىسىندا – 105, تٷركٸستان وبلىسىندا – 27, ماڭعىستاۋ وبلىسىندا – 37, قىزىلوردا وبلىسىندا 35 ناۋقاس انىقتالعان.
ەلدە ٸندەت باستالعالى بارلىعى 271 809 ادامنان كوروناۆيرۋس ينفەكتسيياسى انىقتالعان. ونىڭ 234 مىڭى جازىلىپ شىققان, 3236-ى قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن ادامدار كٸرمەيدٸ.
قازاقستان ٷكٸمەتٸ بىلتىر تامىزدان بەرٸ ۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. سودان بەرٸ ەلدە بارلىعى 51 399 ادام پنەۆمونييانىڭ وسى تٷرٸمەن تٸركەلگەن. (10 سەۋٸردە وسىنداي دياگنوزبەن 37 ناۋقاس تٸركەلدٸ). ونىڭ 727-سٸ قايتىس بولعان. بۇل دەرەك كوروناۆيرۋستىڭ رەسمي ستاتيستيكاسىنان بٶلەك جٷرگٸزٸلەدٸ.
قازٸر 34 478 ادام كوروناۆيرۋستان ەمدەلٸپ جاتىر. 33 مىڭنان استامىنىڭ كوروناۆيرۋس تەستٸ وڭ شىققان. 569 ادامنىڭ جاعدايى اۋىر, 179 ناۋقاستىڭ حالٸ ٶتە اۋىر. 109 ادام جاساندى تىنىس اپپاراتىنا قوسىلعان.
ٷكٸمەت تە, ساراپشىلار دا قازاقستاندا ۆاكتسينالاۋدىڭ باياۋ جٷرٸپ جاتقانىن ايتادى. 12 سەۋٸردەگٸ مەلٸمەت بويىنشا, ەلدە 338 مىڭ ادام "سپۋتنيك V" ەكپەسٸنٸڭ بٸرٸنشٸ دوزاسىن السا, 105 مىڭ ادام ەكٸ دوزاسىن دا العان. كوروناۆيرۋسقا قارسى ٶزگە ۆاكتسينالار سەكٸلدٸ "سپۋتنيك V" ەكپەسٸ دە ەكٸ دوزادان تۇرادى. ەكٸنشٸسٸ بٸرٸنشٸسٸنەن كەيٸن 21 كٷن ٶتكەندە سالىنادى.
