Qazaqstanda COVID-19 juqtyrǵan 6 naýqas intensivti terapiiadan turaqty palataǵa aýystyryldy. Jaǵymdy jańalyqty QR Densaýlyq saqtaý ministrligi Facebook paraqshasynda jariialady, dep habarlaidy "Ult aqparat".
«Jaqsy jańalyq: Qazaqstanda COVID-19 bar alty naýqas intensivti terapiiadan turaqty palataǵa aýystyryldy. Dárigerler patsientterdiń jaǵdaiynyń jaqsarǵanyn atap ótti jáne olar endi qarqyndy terapiiany qajet etpeidi dep sanaidy», - delingen ministrlik taratqan aqparatta.
Sonymen ministrlik málimetinshe, elimizde 6 patsient reanimatsiiadan mamandandyrylǵan bólimge aýystyryldy: Almaty qalasynda - 2 adam, Qaraǵandy oblysynda - 2 adam, Nur-Sultan qalasynda – 1 adam, Shymkent qalasynda – 1 adam.
