Kembridj ýniversitetiniń ǵalymdary vaktsinanyń tiimdiligin 10 ese tómendetetin koronavirýstyń qaýipti mýtatsiialaryn anyqtady. Oǵan qosa oksfordtyq sarapshylar Oxford-AstraZeneca vaktsinasy birinshi ekpeden keiin-aq jaqsy qorǵaitynyn dáleldedi. Ýhan qalasyna kelgen DDSU sarapshylary koronavirýstyń taralyp ketýine jol bergen Virýsologiia institýtynyń zerthanasyn jeke teksermek. Bul týraly VVS habarlady.
Qaýipti mýtatsiia
Kembridj ýniversitetiniń ǵalymdary E484K dep atalǵan B.1.1.7 britandyq shtammnyń 11 mýtatsiialaný jaǵdaiyn anyqtady. Ol koronavirýstyń Ońtústik Afrika men Braziliiada tez taralýyna ákep soǵýda.
BioNTech/Pfizer vaktsinasyn alǵan adamdardyń qanyndaǵy antidene kórsetkendei, bul vaktsina E484K mýtatsiialy virýsqa qarsy 10 ese tiimsiz bolyp shyqty.
Ulybritaniianyń densaýlyq saqtaý ministri Mett Henkok Bristol men Liverpýlde mýtatsiialanǵan jaǵdailar anyqtalǵanyn rastady. Endi osy aýdandarda jappai testileý ótkiziledi.
Sondai-aq Britaniiada vaktsinanyń alǵashqy dozasyn 10 mln adam aldy. Ǵalymdar vaktsina jańa mýtatsiiaǵa qarsy tiimdi bolmasa da, vaktsinatsiia baǵdarlamasy indetke shaldyǵý jáne ólim jaǵdaiyn aitarlyqtai tómendetýge kómektesetinine senimdi.
Qańtarda AQSh-ta ólim jaǵdaiy rekordtyq kórsetkishke jetti
Sársenbi kúni AQSh-tyń Aýrýlardy baqylaý jáne aldyn alý ortalyǵynyń direktory Roshel Valenski koronavirýstyń jańa úlgileri taralý qaýpi týraly aitty. Onyń sózinshe, Amerikada qańtar aiynda koronavirýstan 90 myń adam qaitys bolǵan.
Keiingi kúnderi koronavirýs juqtyrǵandar men aýrýhanalardaǵy naýqas sany azaiyp jatyr, biraq jańa úlginiń taralýy indetke shaldyqqandar sanyn taǵy da arttyrýy múmkin.
AQSh-ta qańtardyń sońyndaǵy málimet boiynsha, koronavirýstyń «britandyq» nusqasy 308 adamnan, al «braziliialyq» túri bir adamnan anyqtalǵan.
Ulttyq allergiia jáne infektsiialyq aýrýlar institýtynyń basshysy, doktor Entoni Faýchidiń aitýynsha, eger adamdar jappai ekpe alsa koronavirýstyń jańa úlgileriniń paida bolýy toqtaidy.
Oksford ǵalymdarynyń qorytyndysy: Oxford/AstraZeneca vaktsinasy tiimdi
Oksford ýniversitetiniń ǵalymdary Oxford-AstraZeneca vaktsinasy virýstyń taralýyn tómendetedi jáne alǵashqy ekpeden keiin-aq óte jaqsy qorǵanys túzedi degen qorytyndyǵa keldi.
«Bul búkil álemge oksford vaktsinasynyń tiimdi ári jaqsy jumys isteitinin kórsetip tur. Ol infektsiianyń taralýyn úshten eki esege baiaýlatyp, biz jasaǵan strategiianyń durys ekenin dáleldedi», - dep málimdedi Mett Henkok.
Biraq kei eldiń ǵalymdary bul vaktsinanyń jasy úlken adamdarǵa tiimdiligi tolyq dáleldenbegenin alǵa tartyp otyr.
Kúshterdiń birigýi
Britandyq farmatsevtika alyby GlaxoSmithKline men nemistiń CureVac biotehnologiialyq kompaniiasy kelesi jyly koronavirýstyń birneshe túrimen kúrese alatyn vaktsina jasap shyǵarý úshin kúsh biriktirdi.
CureVac óziniń jańa vaktsinasyn jeltoqsan aiynda Eýropa men Latyn Amerikasynda testileýdi bastady jáne naýryz-sáýirge qarai alǵashqy jalpylama nátijege qol jetkizýdi kózdep otyr. GSK qoldaýynyń arqasynda kompaniia biyl 300 mln doza shyǵarýdy josarlaǵan.
Ulttyq namys máselesi
Frantsiiada eki zerthana koronavirýsqa qarsy vaktsina óndirip jatyr. Olardyń biri naýryzda Moderna-ny shyǵarýdy bastasa, ekinshisi sáýirde Pfizer-BioNTech vaktsinasyn óndirýge kirisedi.
Buǵan deiin prezident Emmanýel Makron bilikti vaktsinalaý protsesiniń baiaý júrip jatqanyna syn aitqan synshylarǵa jaýap berip, jaqyn arada Frantsiiada birden 4 fabrika vaktsina óndirýge kirisetinin atap ótken.
Otandyq farmatsevtika alpaýyty Sanofi kompaniiasynyń vaktsinasy biylǵy jyldyń sońynda ǵana daiyn bolatyny týraly málimdemesi ulttyq namysqa soqqy bop tiip, bilik ókilderi ekinshi toqsannan bastap kompaniia otandyq ónimdi jasaýdy jalǵastyra otyryp, Pfizer-BioNTech-ti óndirgeni durys ekenin aitty.
Norvegiiada lokdaýn jeńildetilýde
Toptasqan saýda oryndarynda ornalaspaǵan dúken men meiramhanalardyń ashylýyna ruqsat etildi. Biraq olarda áli de alkogol satýǵa tyiym salynady.
Mektepterdegi sabaqqa endi kóbirek oqýshylar bara alady.
23 qańtarda «britandyq» shtammnyń taralýyna bailanysty qatań sharalar engizilgen bolatyn. Sol kezde pandemiia bastalǵaly alǵash ret Oslo men onyń aýmaǵyndaǵy eldi mekenderde asa qajet dúkenderden basqasynyń bári jabylǵan.
Bul rette, Norvegiia shekarasy qatty qajettilik bolmasa, barlyq qozǵalys úshin áli de jabyq tur.
Dúniejúzilik densaýlyq saqtaý uiymynyń ókilderi jeke zertteý júrgizý úshin Ýhan qalasynda júr
DDU inspektorlary Tramp ákimshiligi pandemiiaǵa kináli dep kúdiktengen Qytai zerthanasyna tekseris júrgizýge keldi.
Ýhan virýsologiia institýtynda kóptegen jyldar boiy virýs tasymaldaityn jarqanattar zertteldi. Keibir teoriialar boiynsha virýs sol jerden syrtqa shyǵyp ketýi múmkin.
DDU ókilderiniń aitýynsha, eshbir málimetti nazardan tys qaldyrýǵa bolmaidy, sol sebepti inspektorlar «qajetti suraqtyń bárin qoiady».
Institýttyń qaýipsizdik qyzmeti ókilderi jýrnalisterge DDU inspektorlarymen tildesýge múmkindik bermedi.
Sársenbiden bastap álemde eń jyldam áreket etip jatqan Izraildegi vaktsinalaý baǵdarlamasy 16 jastan asqan azamattardyń barlyǵyn qamtidy. Buǵan deiin 35 jastan asqan turǵynnyń bári vaktsina alý kerek bolatyn.
Degenmen izraildik sarapshylardyń aitýynsha, balalarǵa da ekpe jasatpaiynsha, ujymdyq immýnitetke qol jetkizý qiyn.
Degenmen, Izrailde qoldanylyp jatqan Pfizer-BioNTech vaktsinalary 16 jasqa tolmaǵan balalarǵa maquldanbaǵan.
Sondai-aq Izraildegi vaktsinatsiia protsesiniń baiaýlaýyna arab jáne ýltraortodoksaldy qoǵam ókilderiniń ekpe jasatýdan bas tartýy sebep bolyp otyr degen boljam bar.
Jazǵy Olimpiada jáne Japoniiadaǵy paralimpiada oiyndaryn uiymdastyrý komiteti, sondai-aq HOK pen Halyqaralyq paralimpiada komiteti Tokiodaǵy Oiyndar kezinde sanitariialyq qaýipsizdikti qamtamasyz etý josparyn tanystyrdy.
Oiyn qonaqtarynyń barlyǵy 14 kún buryn jeke «is-shara josparyn» toltyrýy qajet. Onda eki aptalyq júrip-turý, ornalasqan jerin aýystyrý syndy qozǵalystyń barlyǵy jazylady.
Sondai-aq olarǵa án aitýǵa jáne mánerlep oqýǵa, qushaqtasýǵa nemese qol alysýǵa tyiym salynady. Tehnikalyq qyzmetkerler men sportsh sheneýnikteri de óz quramasyna jankúier bola almaýy múmkin, sebebi olarǵa kórermen retinde jarysqa qatysýǵa tyiym salynǵan.
Jaqynda sportshylar men oiynǵa qatysýshy basqa da azamattarǵa arnalǵan usynys jazylǵan býkletter jariialanady.
