Túrkiia koronavirýs infektsiiasynan bolatyn ólimdi azaita almai otyr. Bir kúnde Covid-19-dyń asqynyp ketýinen 290 adam qaitys boldy. Bul - cońǵy tórt aida oryn alǵan rekordtyq kórsetkish, dep habarlaidy "Ult aqparat" Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
30 sáýirde 394 ólim jaǵdaiy tirkeldi. Ótken kúnderi koronavirýsty juqtyrýdyń taǵy 23 946 jańa jaǵdaiy anyqtaldy. Sondyqtan el biligi karantin sharalaryn qatańdatý týraly málimdedi – vaktsinatsiialanbaǵan barlyq azamattar kinoteatrlarǵa, tamaqtaný oryndaryna jáne basqa da qoǵamdyq oryndarǵa barǵan kezde mindetti túrde koronavirýsqa test tapsyratyn bolady.
Ońtústik Koreia eń iri amerikalyq farmatsevtika kontserninen koronavirýsqa qarsy vaktsinanyń 1 millionnan astam dozasyn aldy. Moderna preparatynyń 1,02 mln dozasy, Rýmyniiadan satyp alynǵan Pfizer vaktsinasynyń 526,5 myń dozasy búgin Seýlge jetkizildi. Aptanyń sońyna deiin el taǵy 4,98 million doza vaktsina alýy kerek. Qazirgi ýaqytta Ońtústik Koreia úkimeti Covid-19 vaktsinalarynyń 193,4 million dozasyn, sonyń ishinde AstraZeneca, Moderna, Janssen jáne Novavax vaktsinalaryn jetkizýge kelisim jasady.
