Atyraý oblysynyń Teńiz kenishindegi infektsiialyq statsionarda emdelip jatqan naýqastar sany 102 adamǵa jetti, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte 31 adamnyń koronavirýs infektsiiasyna shaldyqqany PTR-test arqyly rastalyp otyr.
«Naýqastardyń beseýi Atyraý qalasynda anyqtaldy. Teńiz kenishinde 23 jumysshydan, Jylyoi aýdanynda 3 adamnan qaýipti indettiń belgisi tabyldy.
Sońǵy táýlikte koronavirýs infektsiiasyn juqtyrǵandardyń basym bóligi kezekti meditsinalyq tekseris kezinde anyqtalǵan. Naýqastardyń barlyǵynda infektsiia simptomsyz túrde ótip jatyr» -dep habarlady basqarmanyń baspasóz qyzmeti.
Qazir 136 adam úi jaǵdaiynda emdelýde. Al, oblystyq infektsiialyq statsionarda 32, aýdandardaǵy statsionarda 8 naýqas emdelip jatyr. Teńiz kenishindegi infektsiialyq statsionarda emdelip jatqan naýqastar sany 102 adamǵa jetken.
