Shymkentte COVID-19 virýsyn juqtyrǵandardy jatqyzý úshin arnaiy gospital salyna bastady. Búgin qala ákimi Murat Áitenov 200 oryndyq aýrýhananyń qurylysymen tanysty, dep habarlaidy "Ult aqparat".
Qalalyq tótenshe jaǵdai shtabynyń málimetinshe, tótenshe jaǵdai kezinde naýqastardy qabyldaityn gospital tez qurastyrylatyn materialdardan turǵyzylady. Oǵan qajetti qurylys zattary tolyqtai otandyq bolmaq. 400-ge jýyq jumysshy jergilikti jerden tartylǵan. Shahar basshysy karantin kezinde jumysshylardy arnaiy avtobýspen tasymaldaý, qaýipsizdik sharalaryn saqtaý jáne aýyr júk kólikteriniń táýlik boiy qurylys zattaryn toqtaýsyz jetkizý máselesinde kedergi bolmaýyn júktedi. Arnaiy aýrýhana statsionar, jansaqtaý bólimi syndy birneshe bólikten turady. Úilerine barmai jumys isteitin meditsina qyzmetkerleri úshin oryndar jasalady.
«Bul rette ýaqytsha aýrýhananyń jabdyqtalýy men sanitarlyq-epidemiologiialyq jaǵdaiy belgilengen normativterge tolyq sai bolady. Mundaǵy búkil uiymdastyrý jumystaryn Shymkent qalalyq juqpaly aýrýlar aýrýhanasy úilestiretin bolady. Atalǵan gospitaldiń qala aýmaǵynda qyzmet etýi infektsiialyq aýrýlardyń aldyn alýdy jaqsartatyn bolady», - delingen ákimdik habarlamasynda.
