Qazaqstanda koronavirýspen kúresýge azamattyq uiymdarmen qatar armiia da atsalysady. Bul úilesimdi jumys óziniń nátijesin berýde, dep habarlaidy QR QM baspasóz qyzmeti.
Qazirgi ýaqytta Qazaqstannyń Qarýly Kúshterinde COVID-19-ben kúresý boiynsha is-sharalardy iske asyrý jáne indettiń jeke quram arasynda taralmaýyn boldyrmaý jalǵasýda.
Áskeri bólimder men mekemeler qajetti qorǵanys quraldarymen jáne meditsinalyq múlikpen qamtamasyz etilip, epidemiiaǵa qarsy jáne sanitarlyq-profilaktikalyq is-sharalar ótkizilýde. Mamandar indettiń belgileri jáne naýqastarmen bailanys anyqtalǵan kezde ýaqtyly áreket etý úshin jeke quramnyń densaýlyq jaǵdaiyna únemi monitoring júrgizedi.
Búgin epidemiologiialyq jaǵdai jónindegi keńeste Qazaqstan Prezidenti – Qarýly Kúshterdiń Joǵarǵy Bas qolbasshysy Qasym-Jomart Kemeluly Toqaev atap ótkendei, ózińizdi jáne jaqyndaryńyzdy osy qaýipten qorǵaýdyń jalǵyz joly – ekpe alý. Álemdik meditsina áli basqa ádisterdi usynǵan joq jáne jaqyn bolashaqta usynýy ekitalai.
Qarýly Kúshterde jeke quramnyń ekpe alýy jalǵasýda. Ekpe alǵandardyń sany 100% jetti: onyń 99% birinshi komponetti qabyldaǵandar bolsa, ekinshi komponentti 92%-ǵa jýyq adam aldy.
- Taldaý kórsetkendei ekpe alǵan áskeri qyzmetshilerdiń aýrýy jeńil túrde ótedi. Olardyń barlyǵy ambýlatorlyq em qabyldaýda, - dep túsindirdi QR QK Bas áskeri-meditsinalyq basqarmasy sanitarlyq-epidemiologiialyq qadaǵalaý basqarmasynyń bastyǵy polkovnik Álbek Manabaev.
Sonymen birge áskeri dárigerler azamattyq uiymdarda qyzmet atqaratyn áriptesterine kómekke kelýge ázir. Aǵymdaǵy jyldyń sáýir aiynan bastap Almaty men Nur-Sultanda áskeri gospitalder bólindi. Elordadaǵy Bas áskeri klinikalyq gospitali shilde aiynan bastap koronavirýspen syrqattanǵandardy emdeýdi bastady.
– Almaty, Taldyqorǵan jáne Úsharaldaǵy úsh áskeri-emdeý mekeme azamattardy qabyldaýǵa ázir. Aýrýdyń aýyr aǵymy bar naýqastar kelip túsken jaǵdaiǵa jansaqtaý bólimsheler daiyn. Olar ókpeni jasandy jeldetý apparattarymen, pýlsoksimetrlermen, ottegi kontsentratorlarymen jáne basqa da jabdyqtarmen jabdyqtalǵan, – dep habarlady QR QK Bas áskeri-meditsinalyq basqarmasy sanitarlyq-epidemiologiialyq qadaǵalaý basqarmasynyń bastyǵy polkovnik Álbek Manabaev.
Sanitarlyq-epidemiologiialyq ortalyqtyń eki filialy – «Astana» men «Batysta» mamandardyń sany artyp, olardyń quramyna epidemiologtar, virýsologtar, bakteriologtar men zerthanashylar engizildi.
Aiagóz, Taldyqorǵan, Saryózek jáne Semeidiń áskeri gospitaldarynda qosymsha tórt infektsiialyq izoliator jumys isteidi. Nur-Sultan men Almatyda eki statsionarlyq PTR-zerthana, sondai-aq Aqtaý men Semeide PTR-testileýdi ótkizý múmkindigi bar mobildi zerthanalyq keshender jumys isteidi.
Alshaqta ornalasqan aýdandardyń turǵyndaryna kómek retinde dárigerlik-meiirgerlik brigadalar men Qarýly Kúshterdiń sanitarlyq-epidemiologiialyq qyzmetiniń mamandary qysqa merzimde jiberilýi múmkin.
