Densaýlyq saqtaý ministri Aleksei Tsoi vaktsinalaý qarqyny jaily aityp berdi, dep habarlaidy "Ult aqparat".
«Sáýir aiynda 2,5 mln doza vaktsina bolady dep josparlap otyrmyz. Ózge elderdegi sekildi bastapqyda halyq ekpeni saqtyqpen, kúdikpen saldyra bastady. Birinshi toptaǵy dárigerler, pedagogter ekpe aldy. Bul óz kezeginde tiisti áser berdi, adamdardyń vaktsinaǵa senimi arta bastady. Osy oraida qazir óz erkimen vaktsina saldyrýǵa nietti adamdar kóbeidi», - dedi ministr Ortalyq kommýnikatsiialar qyzmetinde.
Onyń aitýynsha, sáýir aiynan bastap Qazaqstan boiynsha vaktsinalaýdyń túrli pýnkteri iske qosylady, iaǵni turǵyndardy qamtý keńeitiledi. Sáýirde turǵyndar ózderiniń tirkelgen jeri boiynsha emhanalarǵa baryp, ekpe saldyra alady.
