Ózbekstanda 698 adamǵa koronavirýs diagnozy qoiylyp, 478 azamattan KVI belgileri bar pnevmoniia anyqtaldy. Bul antirekordtyń jańarýy, dep habarlaidy ÓzA agenttigi.
«2021 jyldyń 20 shildesindegi jaǵdai boiynsha Ózbekstanda tirkelgen koronavirýstyq infektsiialardyń sany – 121 329-ǵa (+698) jetti», - delingen DSM habarlamasynda.
Eldegi koronavirýs juǵý deńgeii artýymen qatar pnevmoniia jaǵdaiy da ósip keledi. Al 19 shildede 465 kisiden KVI belgileri bar pnevmoniia anyqtalǵan bolatyn.
DSM dereginshe, keshe 495 azamat aýrýdan saýyǵyp, 4 naýqas indetten kóz jumǵan.
Búginde eldegi saýyqqandardyń jalpy sany 116 009-ǵa jetti, 810 adam qaitys boldy.
