El óńirlerinde 10 infektsiialyq aýrýhana iske qosyldy. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Memleket jáne Úkimet basshylarynyń tapsyrmalaryna sáikes, «Jumyspen qamtý» jol kartasy qarajaty aiasynda 13 modýldik juqpaly aýrýlar aýrýhanasyn salynýda. 10 óńirde statsionarlar jumysyn bastap ta ketti. 3 óńirde qurylys-montajdaý jumystary aiaqtalýǵa jaqyn», - dedi ministr IX Azamattyq forým aiasynda úkimettik emes uiymdar ókilderimen kezdesýi barysynda.
Sonymen qatar ol elimizdiń statsionarlarynda ókpeni jasandy jeldetýge arnalǵan 2 467 apparat jetkizilgenin aitty. Onyń 1500-in otandyq kompaniialar jasaǵan.
«Buǵan qosa, 64 ottegi stansasyn paidalanýǵa berý esebinen ortalyqtandyrylǵan ottegimen qamtylǵan tósek-oryn sany 38,5 myńǵa jetti. Der ýaqytynda diagnostika jasaý úshin aýdandyq aýrýhanalar rentgen apparattarymen jabdyqtaldy. Atap aitqanda, 40 apparat ornatylyp, 13-i jetkizý jáne ornatý satysynda tur», - dedi Aleksei Tsoi.
