Koronavirýsqa qarsy reseilik vaktsinalardyń júkti bolý qabiletine áserin baǵalaý boiynsha kerekti synaqtar ótti. Jaǵymsyz saldary anyqtalmady, dep habarlaidy "Ult aqparat" TASS agenttigine silteme jasap.
«Koronavirýsqa qarsy vaktsinany qosqanda, qandai da bir vaktsinanyń áielder men erkekterdiń uryǵyna áser etetinine eshqandai dálel joq. Koronavirýsqa qarsy reseilik vaktsinalardyń urpaqqa áserin baǵalaý boiynsha kerekti synaqtar ótti, eń aldymen synaq zerthanada janýarlarǵa jasaldy. Jaǵymsyz saldary anyqtalmady», - delingen dúisenbi kúni Rospotrebnadzordyń saityndaǵy habarlamada.
Vedomstvoda koronvirýsqa qarsy ekpe alǵannan keiin júktilikten qashýdyń qajeti joq ekenin naqtylady.
Sonymen qatar Rospotrebnadzor COVID-19-ǵa qarsy kez kelgen vaktsinanyń adamnyń DNQ-syna áser etpeitinin jáne onymen árekettespeitinin túsindirdi.
«Vaktsina aǵzanyń immýndyq torlaryn koronavirýstyń genetikalyq materialynyń fragmentterimen tanystyrady, tanystyqtan keiin virýstan qorǵaýǵa baǵyttalǵan antideneler óndirile bastaidy», - delingen saitta.
