QR Densaýlyq saqtaý ministrligi COVID-19-ǵa qarsy qazaqstandyq vaktsina synaǵynyń III kezeńi qalai ótip jatqandyǵyn jariialady, dep habarlaidy "Ult aqparat".
«COVID-19-ǵa qarsy QazCovid-in vaktsinasy klinikalyq synaǵynyń I jáne II satysyn ótkizý nátijesinde birinshi jáne ekinshi ret bulshyq et ishine ekpe jasaý barysynda jaqsy tózýshilik pen qaýipsizdik baiqaldy. Ekinshi ret vaktsina salǵannan keiin onyń SARS-CoV-2 virýsqa qatysty joǵary immýnogendik belsendiligi baiqaldy. Qazirgi ýaqytta táýekel tobyn qosa alǵanda túrli jas sanatyndaǵy 3 myń eriktige klinikalyq synaqtyń III satysy ótkizilip jatyr. Klinikalyq zertteý Almaty men Taraz qalasyndaǵy klinikalardyń bazasynda ótkizilýde», - delingen atalǵan ministrliktiń taratqan aqparatynda.
Esterińizge sala ketsek, keshe Ortalyq kommýnikatsiialar qyzmetindegi baspasóz máslihaty barysynda QR Densaýlyq saqtaý ministri Aleksei Tsoiǵa Qazaqstan ǵalymdary ázirlegen QazCovid-in vaktsinasyna qatysty saýal qoiylyp, ol jaýabyn jazbasha berýge ýáde etken edi.
