QR Premer-Ministri Asqar Maminniń tóraǵalyǵymen ótken QR Úkimetiniń otyrysynda biologiialyq qaýipsizdik salasyndaǵy ǵylymi-zertteý qyzmeti týraly bilim jáne ǵylym ministri baiandady, dep habarlaidy "Ult aqparat".
Aimaǵambetovtyń aitýynsha, Qazaqstanda biologiialyq qaýipsizdik jáne biotehnologiia salasynda júieli túrde ǵylymi zertteýler júrgiziledi. Salada 12 ǵylymi uiym, 2,5 myńǵa jýyq adam jumys isteidi. Búgingi tańda elimizdiń 19 joǵary oqý ornynda salanyń 4 myńǵa jýyq bolashaq mamany bilim alýda.
Ulttyq biotehnologiia ortalyǵy — biologiialyq beiindegi iri ǵylymi uiymdardyń biri. Ortalyq 25 sertifikattalǵan ǵylymi zerthanadan turady.
«Pandemiianyń bastapqy kezeńinde, elimizge test-júieleri áli ákelinbegen kezde, osy mekemeniń mamandary 6 kún ishinde jasandy sintezdi paidalana otyryp, SARS COVID-2 tiri shtammy bolmaǵan kezde, koronavirýsty diagnostikalaý úshin senimdi PTR test-júiesin ázirledi. Osy júieniń arqasynda indettiń alǵashqy kúnderinde jalpy diagnostika júzege asyryldy. Keiinirek alynǵan sheteldik diagnostikalarmen salystyra otyryp, osy júieniń joǵary sezimtaldyǵy dáleldendi», — dedi ministr.
Búginde Ulttyq biotehnologiia ortalyǵy Densaýlyq saqtaý ministrliginiń tapsyrysy boiynsha 11 myń test-júiesin ázirledi.
Osy saladaǵy taǵy bir mańyzdy uiym — Biologiialyq qaýipsizdik problemalarynyń ǵylymi-zertteý institýty. Institýttyń 13 zerthanasynda qaýipti infektsiialarmen jumys júrgizilýde. Institýt DDSU-men densaýlyq saqtaý salasynyń qajettiligi úshin asa qaýipti infektsiialarǵa qarsy vaktsinalardy ázirleýge kelisimshart jasasty. Institýt jumysy meditsinada jáne aýyl sharýashylyǵynda vaktsinalardyń jańa túrlerin ázirleýge, immýnobiologiialyq preparattardy óndirýge baǵyttalǵan. Barlyǵy uiym qaýipti jáne asa qaýipti infektsiialarǵa qarsy otandyq vaktsinalardyń 67 túrin ázirledi.
Sonymen qatar Institýt ǵalymdary úsh platformada KVI-ǵa qarsy bes vaktsina ázirlenýde.
«Alǵashqy inaktivatsiialanǵan vaktsina – virýs himiialyq zattardyń áserinen beitaraptandyrylǵan. DDSU belsendiligi joiylǵan kandidattyq vaktsinany ázirleý hattamasyn tekserip, 2020 jylǵy 15 mamyrda óz tizimine qosty», — dedi ministr.
2020 jylǵy 15 mamyrda kandidattyq inaktivatsiialanǵan vaktsinaǵa klinikaǵa deiingi synaqtar bastaldy: jelilik tyshqandardaǵy qaýipsizdik pen immýnogendigi tekserildi.
2020 jylǵy 10-23 maýsymda kandidattyq vaktsinanyń ýyttylyǵy men allergiialyq qasietteri zertteldi, sondai-aq osy jyldyń maýsym-shilde ailarynda zertteýler ártúrli janýarlarda, sonyń ishinde primatta jasalady, immýnogendigi zertteledi.
Qyrkúiek aiynda klinikalyq synaqtarǵa shyǵý josparlanǵan.
Ministrdiń aitýynsha, atalǵan synaq kezeńderi sátti bolǵan jaǵdaida vaktsinanyń tiimdiligi men ziiansyzdyǵyn tekserýdiń kelesi kezeńderine ótý múmkindigi paida bolady.
