Facebook-te COVID-19-ǵa qarsy vaktsina almaǵan balalardy mektepke jibermeidi, al vaktsinatsiiadan bas tartý mektep oqýshylaryn bilim alý konstitýtsiialyq quqyǵynan aiyratyny týraly habarlama tarady. Bul aqparat — jalǵan, dep habarlaidy stopfake.kz saity.
Habarlamada avtor QR Densaýlyq saqtaý ministri Aleksei Tsoidyń sózine súienedi.
Aǵymdaǵy jyldyń 19 shildesinde «Habar 24» telearnasynyń efirinde ministr Qazaqstanǵa Pfizer/BioNTech óndirgen COVID-19-ǵa qarsy vaktsinany jetkizý jospary jaily baiandady. Búgingi tańda bul preparat klinikalyq synaqtardan ótip, 12 jastan asqan jasóspirimderdi vaktsinalaý úshin maquldanǵan.
Alaida, bul bizdiń elimizde 12 jastan asqan oqýshylarǵa vaktsinatsiia mindetti bolady jáne onsyz balalar mektepke bara almai, kemsitýshilikke ushyraidy degenniń belgisi emes. Aleksei Tsoi mundai málimdeme jasaǵan joq.
Birinshiden, Pfizer/BioNTech vaktsinasynyń alǵashqy partiiasy osy jyldyń qazan aiynda, iaǵni oqý jyly bastalǵannan keiin ákelinýi múmkin. Ekinshiden, densaýlyq saqtaý ministriniń ózi habarlaǵandai, balalardy COVID-19-ǵa qarsy vaktsinalaý tek erikti túrde ǵana júrgiziledi jáne kámeletke tolmaǵandar ata-analarynyń kelisimimen ǵana egiledi.
Demek, ekpe saldyrmaǵan balalardy bilim alýǵa konstitýtsiialyq quqyǵynan aiyrady degen qaýeset negizsiz jáne shyndyqqa janaspaidy. Qazaqstandyq oqýshylar vaktsinatsiia mártebesine qaramastan bilim alatyn bolady.
