Nur-Sultan qalasynyń bas sanitarlyq dárigeri Janna Pralieva elordada koronavirýs juqtyrǵan azamattardy ýaqtyly anyqtaý jumystary burynǵysha júrgizilip jatqanyn málim etti, dep habarlaidy QazAqparat.
«Koronavirýs juqtyrǵan azamattardy ýaqtyly anyqtaý maqsatynda PTR anyqtamasynsyz kelgen adamdar karantindik statsionarǵa jatqyzylyp, olar qatań túrde tekserilip jatyr. Osy jyldyń 2 qazany men 10 jeltoqsany aralyǵynda 283 reispen astanaǵa 35 450 adam keldi. Onyń ishinde teris PTR nátijesi bar anyqtamamen 30 767 azamat jetti. Deportatsiialanǵandardyń sany 15. Karantindik statsionarǵa jatqyzylǵandar jáne tekserilder – 4668. 22 simptomsyz naýqas anyqtalyp onyń 4-i emdeýge jatqyzyldy», - dedi Janna Pralieva Nur-Sultan qalasy ákimdiginiń baspasóz ortalyǵynda.
Onyń aitýynsha avtoótpe joldar arqyly basqa elderden kelgen adamdardyń densaýlyq jaǵdaiyna monitoring júrgizilýde. Qazan aiynan bastap elordaǵa avtoótpe joldar arqyly barlyǵy 4197 adam kelgen. Onyń ishinde avtoótpe joldar arqyly ótkenderdiń ishinen COVID-19 virýsyn juqtyrýdyń 6 jaǵdaiy júk tasymaldaýshylar arasynda tirkelgen.
