Koronavirýs infektsiiasynan jazylǵandar qýantqanymen, juqtyryp alǵandardyń sany tómendemei tur. Saqtyq sharalaryna salǵyrt qaraýǵa bolmaityny qansha eskertilgenimen, elemeitinder de tabylady. Eldegi epidemiologiialyq ahýalǵa bailanysty sholý jasap kórelik.
Ótken táýlikte elimizde 819 adamnan koronavirýs infektsiiasy anyqtalǵan. Budan bólek, COVID-19 belgileri bar pnevmoniianyń 225 jaǵdaiy tirkelgen. Eki adam qaitys boldy. Qazirgi ýaqytta osy dertke shaldyqqan 14 000 adam em qabyldap jatyr. Olardyń arasynda 912 bala bar. Statsionarlarda 3 560 naýqas jatyr, 10 440 adam ambýlatoriialyq jaǵdaida emdelýde. Jalpy naýqastardyń arasynda 229 adamnyń jaǵdaiy nashar. 34 naýqastyń jaǵdaiy óte aýyr dep baǵalanǵan. 29 naýqas ókpeni jasandy jeldetý apparatynda jatyr. Al, koronavirýstan jazylǵandar sany 118 643-ke jetti. Jalpy, elimizde bir aptanyń ishinde – qarasha aiynyń 23-i men 29-y aralyǵynda koronavirýs infektsiiasynan 44 adam qaitys bolǵan.
Soltústik Qazaqstan oblysy koronovirýs infektsiiasyn juqtyrý deregi boiynsha aldyńǵy qatarda tur. Infektsiia Reseiden kelgenderden de anyqtalǵan. Qazan-jeltoqsan ailarynda óńirdegi shekara beketterinen barlyǵy 30 myńǵa jýyq adam ótipti. Olardyń kóbinde PTR anyqtamasy bolmaǵan. Zerthanalyq tekserý kezinde 185 adamnan koronovirýs infektsiiasy anyqtaldy. Al jańa oqý jyly bastalǵaly 199 oqýshy osy indetti juqtyrypty. Osyǵan bailanysty úsh mekteptiń 28 synyby qashyqtan oqýǵa kóshti. Oblys áli kúnge deiin qyzyl aimaqta. Petropavl qalasynan bólek, 7 eldi meken karantinge jabylǵan.
Kókshetaýda taǵy bir sanitarlyq beket qoiylatyn boldy. Aqmola oblystyq Politsiia departamenti bastyǵynyń orynbasary Rizahmet Janbekovtiń aitýynsha, bul – májbúrli shara. Óitkeni Petropavl baǵytynan kele jatqan kólikter Zastatsionnyi eldi mekeni arqyly shaharǵa emin-erkin kirip-shyǵyp júrgen. Sondyqtan, taǵy bir beket qoiylady. Sondai-aq birneshe bekettiń orny ózgeretin boldy. Máselen, Petropavl baǵytyna shyǵatyn jerdegi sanitarlyq nysan Vasilkovskii móltek aýdany tusynan Saryarqa shaǵyn aýdanyna qarai aýystyryldy. Sebebi osyǵan deiin qalanyń ákimshilik aýmaǵyna kiretin Birlik jáne Stantsionnyi eldi mekenderiniń turǵyndary, iaǵni 6 myńnan astam adam qalalyq tirkeýi bola tura, sanitarlyq bekette kezek kútýge májbúr bolǵan edi. Al Kókshetaýǵa kirip-shyǵýǵa tyiym salynǵan 5-6 kúnniń ishinde 10 shaqty júrgizýshi oblys ortalyǵyna zańsyz kirmek bolǵan eken.
Qaraǵandy oblysynda oqýshylar arasynda koronavirýs juqtyrǵandar kóbeigen. Búginge deiin óńirde 109 oqýshydan dert anyqtalsa, onyń 69-y qashyqtan bilim alyp júrgender eken. Qalǵan qyryǵy mektepte oqityn balalar. Oblystaǵy 25 kezekshi synyp karantinge jabyldy. Degenmen, mamandardyń aitýynsha, bul óńirde epidemiologiialyq ahýal turaqty. Aýrýhanalarda 133 adam em qabyldap jatyr. Oblystyń bas sanitarlyq dárigeri Iýrii Zalyginniń aitýynsha, oqýshylar bir mezette koronavirýs indetin juqtyrǵan jaǵdaida mektep karantinge jabylýy múmkin. Oqý jyly bastalǵaly beri oblys boiynsha 2 mektep tolyq karantinge jabylǵan. Biri Buqar jyraý aýdanynda, munda bir mektepte 22 baladan indet anyqtalǵan. Ekinshisi Nura aýdanynda. Qazir ekeýinde de karantin merzimi aiaqtalǵan.
Shymkentte kinoteatrlar ashylady. Bul týraly qalanyń Bas sanitar dárigeriniń jańa qaýlysy shyqty. Kórermender sany 30%-ten aspaýy tiis. Kinoteatrlar saǵat 09:00-den 21:00-ge deiin jumys isteidi. Al demalys jáne mereke kúnderi jabyq bolady. Esterińizge sala keteiik, osy ýaqytqa deiin shahardaǵy barlyq kinoteatr 9 ai boiy karantin saldarynan jumys istegen joq. Jańa qaýlydaǵy taǵy bir ózgeris – senbi kúni qaladaǵy iri saýda úilerindegi oiyn-saýyq ortalyqtary men kiim-keshek dúkenderi óz isin jalǵastyrady. Alaida jeksenbi men mereke kúnderi jumys istemeidi. Jalpy merekelik jiyndarǵa tyiym salynǵan. Onyń ishinde jańajyldyq banket sharalaryn ótkizýge bolmaidy. Shymkenttegi shekteý jáne karantin sharalary 21 jeltoqsanǵa deiin uzartyldy.
Aldaǵy kóktemde Pavlodar oblysynyń turǵyndaryna koronavirýs infektsiiasyna qarsy ekpe salynady dep josparlanǵan. Qazir daiyndyq jumystary bastalyp ketti. Sala mamandarynyń habarlaýynsha, oblystyń emhanalarynda ekpege arnalǵan tońazytqysh kameralarynyń alǵashqysy aqpan aiynda satyp alynady jáne barlyq emhanaǵa jetkiziledi. Oblystyq densaýlyq saqtaý basqarmasy ókilderiniń aitýynsha, ázirge vaktsinanyń belgili bir túri tańdalǵan joq. Búginde kórshi Reseimen kelisim bar. Al otandyq qural arnaiy synaqtan ótedi. Qazirgi tańda meditsinalyq uiymdarda jasalatyn zertteýlerdiń sany bir táýlikte úsh myńǵa artqan.
Almatyda koronavirýs indetimen kúresý úshin 89 mlrd teńgeden astam qarjy bólingen eken. Biraq, bul biýdjet qarjysy emes. Biznes ókilderinen kómek retinde túsken qarjy. Almaty qalasynyń ákimi Baqytjan Saǵyntaev solai dedi. Qala basshysynyń aitýynsha, bul qarjy juqpaly aýrýlar aýrýhanalarynyń qurylysyna jáne jalpy qalalyq zerthanalyq jelini ortalyqtandyrýǵa jumsalǵan. Qazir qaladaǵy PTR zertteýiniń táýliktik qýaty 14 myńǵa deiin ulǵaitylǵan. Tipti ony táýligine 25 myńǵa deiin arttyrýǵa bolatyn kórinedi. Sonymen qatar, alǵashqy meditsinalyq-sanitarlyq kómek jumysyn kúsheitý sharalary qabyldanǵan. Biyl qalada 11 dárigerlik ambýlatoriia salynsa, keler jyly taǵy 11 dárigerlik ambýlatoriia paidalanýǵa beriledi.
