كوروناۆيرۋس ينفەكتسيياسىنان جازىلعاندار قۋانتقانىمەن, جۇقتىرىپ العانداردىڭ سانى تٶمەندەمەي تۇر. ساقتىق شارالارىنا سالعىرت قاراۋعا بولمايتىنى قانشا ەسكەرتٸلگەنٸمەن, ەلەمەيتٸندەر دە تابىلادى. ەلدەگٸ ەپيدەميولوگييالىق احۋالعا بايلانىستى شولۋ جاساپ كٶرەلٸك.
ٶتكەن تەۋلٸكتە ەلٸمٸزدە 819 ادامنان كوروناۆيرۋس ينفەكتسيياسى انىقتالعان. بۇدان بٶلەك, COVID-19 بەلگٸلەرٸ بار پنەۆمونييانىڭ 225 جاعدايى تٸركەلگەن. ەكٸ ادام قايتىس بولدى. قازٸرگٸ ۋاقىتتا وسى دەرتكە شالدىققان 14 000 ادام ەم قابىلداپ جاتىر. ولاردىڭ اراسىندا 912 بالا بار. ستاتسيونارلاردا 3 560 ناۋقاس جاتىر, 10 440 ادام امبۋلاتورييالىق جاعدايدا ەمدەلۋدە. جالپى ناۋقاستاردىڭ اراسىندا 229 ادامنىڭ جاعدايى ناشار. 34 ناۋقاستىڭ جاعدايى ٶتە اۋىر دەپ باعالانعان. 29 ناۋقاس ٶكپەنٸ جاساندى جەلدەتۋ اپپاراتىندا جاتىر. ال, كوروناۆيرۋستان جازىلعاندار سانى 118 643-كە جەتتٸ. جالپى, ەلٸمٸزدە بٸر اپتانىڭ ٸشٸندە – قاراشا ايىنىڭ 23-ٸ مەن 29-ى ارالىعىندا كوروناۆيرۋس ينفەكتسيياسىنان 44 ادام قايتىس بولعان.
سولتٷستٸك قازاقستان وبلىسى كورونوۆيرۋس ينفەكتسيياسىن جۇقتىرۋ دەرەگٸ بويىنشا الدىڭعى قاتاردا تۇر. ينفەكتسييا رەسەيدەن كەلگەندەردەن دە انىقتالعان. قازان-جەلتوقسان ايلارىندا ٶڭٸردەگٸ شەكارا بەكەتتەرٸنەن بارلىعى 30 مىڭعا جۋىق ادام ٶتٸپتٸ. ولاردىڭ كٶبٸندە پتر انىقتاماسى بولماعان. زەرتحانالىق تەكسەرۋ كەزٸندە 185 ادامنان كورونوۆيرۋس ينفەكتسيياسى انىقتالدى. ال جاڭا وقۋ جىلى باستالعالى 199 وقۋشى وسى ٸندەتتٸ جۇقتىرىپتى. وسىعان بايلانىستى ٷش مەكتەپتٸڭ 28 سىنىبى قاشىقتان وقۋعا كٶشتٸ. وبلىس ەلٸ كٷنگە دەيٸن قىزىل ايماقتا. پەتروپاۆل قالاسىنان بٶلەك, 7 ەلدٸ مەكەن كارانتينگە جابىلعان.
كٶكشەتاۋدا تاعى بٸر سانيتارلىق بەكەت قويىلاتىن بولدى. اقمولا وبلىستىق پوليتسييا دەپارتامەنتٸ باستىعىنىڭ ورىنباسارى ريزاحمەت جانبەكوۆتٸڭ ايتۋىنشا, بۇل – مەجبٷرلٸ شارا. ٶيتكەنٸ پەتروپاۆل باعىتىنان كەلە جاتقان كٶلٸكتەر زاستاتسيوننىي ەلدٸ مەكەنٸ ارقىلى شاھارعا ەمٸن-ەركٸن كٸرٸپ-شىعىپ جٷرگەن. سوندىقتان, تاعى بٸر بەكەت قويىلادى. سونداي-اق بٸرنەشە بەكەتتٸڭ ورنى ٶزگەرەتٸن بولدى. مەسەلەن, پەتروپاۆل باعىتىنا شىعاتىن جەردەگٸ سانيتارلىق نىسان ۆاسيلكوۆسكيي مٶلتەك اۋدانى تۇسىنان سارىارقا شاعىن اۋدانىنا قاراي اۋىستىرىلدى. سەبەبٸ وسىعان دەيٸن قالانىڭ ەكٸمشٸلٸك اۋماعىنا كٸرەتٸن بٸرلٸك جەنە ستانتسيوننىي ەلدٸ مەكەندەرٸنٸڭ تۇرعىندارى, ياعني 6 مىڭنان استام ادام قالالىق تٸركەۋٸ بولا تۇرا, سانيتارلىق بەكەتتە كەزەك كٷتۋگە مەجبٷر بولعان ەدٸ. ال كٶكشەتاۋعا كٸرٸپ-شىعۋعا تىيىم سالىنعان 5-6 كٷننٸڭ ٸشٸندە 10 شاقتى جٷرگٸزۋشٸ وبلىس ورتالىعىنا زاڭسىز كٸرمەك بولعان ەكەن.
قاراعاندى وبلىسىندا وقۋشىلار اراسىندا كوروناۆيرۋس جۇقتىرعاندار كٶبەيگەن. بٷگٸنگە دەيٸن ٶڭٸردە 109 وقۋشىدان دەرت انىقتالسا, ونىڭ 69-ى قاشىقتان بٸلٸم الىپ جٷرگەندەر ەكەن. قالعان قىرىعى مەكتەپتە وقيتىن بالالار. وبلىستاعى 25 كەزەكشٸ سىنىپ كارانتينگە جابىلدى. دەگەنمەن, مامانداردىڭ ايتۋىنشا, بۇل ٶڭٸردە ەپيدەميولوگييالىق احۋال تۇراقتى. اۋرۋحانالاردا 133 ادام ەم قابىلداپ جاتىر. وبلىستىڭ باس سانيتارلىق دەرٸگەرٸ يۋريي زالىگيننٸڭ ايتۋىنشا, وقۋشىلار بٸر مەزەتتە كوروناۆيرۋس ٸندەتٸن جۇقتىرعان جاعدايدا مەكتەپ كارانتينگە جابىلۋى مٷمكٸن. وقۋ جىلى باستالعالى بەرٸ وبلىس بويىنشا 2 مەكتەپ تولىق كارانتينگە جابىلعان. بٸرٸ بۇقار جىراۋ اۋدانىندا, مۇندا بٸر مەكتەپتە 22 بالادان ٸندەت انىقتالعان. ەكٸنشٸسٸ نۇرا اۋدانىندا. قازٸر ەكەۋٸندە دە كارانتين مەرزٸمٸ اياقتالعان.
شىمكەنتتە كينوتەاترلار اشىلادى. بۇل تۋرالى قالانىڭ باس سانيتار دەرٸگەرٸنٸڭ جاڭا قاۋلىسى شىقتى. كٶرەرمەندەر سانى 30%-تەن اسپاۋى تيٸس. كينوتەاترلار ساعات 09:00-دەن 21:00-گە دەيٸن جۇمىس ٸستەيدٸ. ال دەمالىس جەنە مەرەكە كٷندەرٸ جابىق بولادى. ەستەرٸڭٸزگە سالا كەتەيٸك, وسى ۋاقىتقا دەيٸن شاھارداعى بارلىق كينوتەاتر 9 اي بويى كارانتين سالدارىنان جۇمىس ٸستەگەن جوق. جاڭا قاۋلىداعى تاعى بٸر ٶزگەرٸس – سەنبٸ كٷنٸ قالاداعى ٸرٸ ساۋدا ٷيلەرٸندەگٸ ويىن-ساۋىق ورتالىقتارى مەن كيٸم-كەشەك دٷكەندەرٸ ٶز ٸسٸن جالعاستىرادى. الايدا جەكسەنبٸ مەن مەرەكە كٷندەرٸ جۇمىس ٸستەمەيدٸ. جالپى مەرەكەلٸك جيىندارعا تىيىم سالىنعان. ونىڭ ٸشٸندە جاڭاجىلدىق بانكەت شارالارىن ٶتكٸزۋگە بولمايدى. شىمكەنتتەگٸ شەكتەۋ جەنە كارانتين شارالارى 21 جەلتوقسانعا دەيٸن ۇزارتىلدى.
الداعى كٶكتەمدە پاۆلودار وبلىسىنىڭ تۇرعىندارىنا كوروناۆيرۋس ينفەكتسيياسىنا قارسى ەكپە سالىنادى دەپ جوسپارلانعان. قازٸر دايىندىق جۇمىستارى باستالىپ كەتتٸ. سالا ماماندارىنىڭ حابارلاۋىنشا, وبلىستىڭ ەمحانالارىندا ەكپەگە ارنالعان توڭازىتقىش كامەرالارىنىڭ العاشقىسى اقپان ايىندا ساتىپ الىنادى جەنە بارلىق ەمحاناعا جەتكٸزٸلەدٸ. وبلىستىق دەنساۋلىق ساقتاۋ باسقارماسى ٶكٸلدەرٸنٸڭ ايتۋىنشا, ەزٸرگە ۆاكتسينانىڭ بەلگٸلٸ بٸر تٷرٸ تاڭدالعان جوق. بٷگٸندە كٶرشٸ رەسەيمەن كەلٸسٸم بار. ال وتاندىق قۇرال ارنايى سىناقتان ٶتەدٸ. قازٸرگٸ تاڭدا مەديتسينالىق ۇيىمداردا جاسالاتىن زەرتتەۋلەردٸڭ سانى بٸر تەۋلٸكتە ٷش مىڭعا ارتقان.
الماتىدا كوروناۆيرۋس ٸندەتٸمەن كٷرەسۋ ٷشٸن 89 ملرد تەڭگەدەن استام قارجى بٶلٸنگەن ەكەن. بٸراق, بۇل بيۋدجەت قارجىسى ەمەس. بيزنەس ٶكٸلدەرٸنەن كٶمەك رەتٸندە تٷسكەن قارجى. الماتى قالاسىنىڭ ەكٸمٸ باقىتجان ساعىنتاەۆ سولاي دەدٸ. قالا باسشىسىنىڭ ايتۋىنشا, بۇل قارجى جۇقپالى اۋرۋلار اۋرۋحانالارىنىڭ قۇرىلىسىنا جەنە جالپى قالالىق زەرتحانالىق جەلٸنٸ ورتالىقتاندىرۋعا جۇمسالعان. قازٸر قالاداعى پتر زەرتتەۋٸنٸڭ تەۋلٸكتٸك قۋاتى 14 مىڭعا دەيٸن ۇلعايتىلعان. تٸپتٸ ونى تەۋلٸگٸنە 25 مىڭعا دەيٸن ارتتىرۋعا بولاتىن كٶرٸنەدٸ. سونىمەن قاتار, العاشقى مەديتسينالىق-سانيتارلىق كٶمەك جۇمىسىن كٷشەيتۋ شارالارى قابىلدانعان. بيىل قالادا 11 دەرٸگەرلٸك امبۋلاتورييا سالىنسا, كەلەر جىلى تاعى 11 دەرٸگەرلٸك امبۋلاتورييا پايدالانۋعا بەرٸلەدٸ.
