Qazaqstanda byltyr jazda koronavirýstan bir bala qaitys boldy. Bul týraly QR Densaýlyq saqtaý vitse-ministri Ajar Ǵiniiat málim etti, dep habarlaidy "Ult aqparat".
«Qazirgi kezde jyldyq esep berý júrip jatyr. Jyldyq esepte bir jaǵdai anyqtaldy, iaǵni 16 jastaǵy qyz bala kóz jumǵan. Bul jaǵdai jaz kezinde Aqmola oblysynda tirkelgen», - dedi A. Ǵiniiat.
Sonymen qatar ol jyl basynan elimizde koronavirýstyń naqtylanǵan diagnozymen 4 285 bala tirkelgenin aitty. Onyń ishinde 10-y jańa týǵan náreste ekeni anyqtaldy.
Balalardyń 65 paiyzy saýyǵyp shyqty. Qazirgi kezde statsionarlyq emdeýmen 144 bala qamtylǵan.
Budan buryn habarlanǵandai, QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova mektep oqýshylary arasyndaǵy koronavirýs juqtyrý statistikasyn jariialady.
Oqý jyly bastalǵan sátten beri 7 571 oqýshy koronavirýspen aýyrdy.
