Avstriia kýrorttaryn ashty. 24 jeltoqsan bir kúnge 400-den astam taý shańǵysy bazasy ashyldy. Eki kúnnen keiin elde úshinshi lokdaýn bastalady, dep habarlaidy VSS agenttigi.
Úkimet jeltoqsan aiynyń basynda kýrorttardy bir kúnge ashý týraly sheshim qabyldaǵan bolatyn jáne jańa shekteýler engizilgennen keiin de odan bas tartpady. Bilik muny adamdardyń ashyq aspan astynda shańǵymen syrǵanaityndyǵymen túsindirdi. Eger qajetti saqtyq sharalary saqtalsa, juqtyrý qaýpi bolmaidy.
Qonaqúiler, barlar men meiramhanalar jabyq. Lokdaýn kezinde kóptegen dúkender men qyzmet kórsetý salasy da jabylady.
«Bul – alǵashqy qadam jáne biz infektsiia deńgeii tómendegen kezde olardy tolyqtai ashamyz dep úmittenemiz», – dedi kýrort týrizminiń basshysy Ishgl Andreas Shtaibl Frans-Presske bergen suhbatynda.
Naýryz aiynda bul kýrortta myńdaǵan sheteldik týrister koronavirýs juqtyrǵan bolatyn.
