Vashington Aýǵanstannan ushyp ketýdiń jalǵyz joly bolyp qalǵan Kabýl áýejaiyna kirý erejesin ózgertti. Munan bylai áýejai aýmaǵyna tek qana AQSh pen NATO elderiniń azamattary jáne grin-kartasy (AQSh-ta turýǵa ruqsaty bar, biraq bul eldiń azamaty emes) bar adamdar ǵana jiberiledi. Bul jóninde CNN habarlady.
Telearnaǵa aqparat bergen adamnyń sózinshe, AQSh-tyń arnaýly immigratsiia vizasy (SIV) baǵdarlamasy boiynsha Aýǵanstannan alyp ketýdi ótingenderdi de Kabýl áýejaiyna kirgizbeidi. Atalǵan viza AQSh agenttigi men aýǵan úkimeti kúshterinde jumys istegen aýǵandarǵa arnalǵan edi.
Keiingi habarlarǵa qaraǵanda Kabýl áýejaiynda Aýǵanstannan ketkisi keletin 20 myń adam tur. Olardyń ishinde áskerge shaqyrylatyn jastaǵy qujatsyz jastar kóp.
"Taliban" qozǵalysy 15 tamyzda Kabýldy soǵyssyz alyp, Aýǵanstanǵa tolyq baqylaý ornatqanyn málimdegen. Aýǵanstan prezidenti Ashraf Ǵani shetelge shyǵyp ketken.
Tálipter biliginde qalǵysy kelmeitin aýǵandar Aýǵanstannan túrli joldarmen jappai qashyp jatyr. Myńdaǵan adam áýejaida ushaqtarǵa umtylyp, dúrbeleń týdy.
Álemniń 70-ke jýyq eli men Eýro odaq tálipter biliginde qalǵysy kelmeitin Aýǵanstan halqy men shetel azamattaryna Aýǵanstannan ketýge kedergi keltirmeýge shaqyrdy.
