Chempiondar Ligasyndaǵy oiynyn birinshi irikteý kezeńinen bastaityn elordanyń «Astana» klýby upai sany boiynsha reitingte ekinshi orynda tur, dep habarlaidy KazFootball.kz portaly.
Chempiondar Ligasynyń birinshi irikteý kezeńinde 38 elden 34 komanda baq synaidy. 29 000 upai jinaǵan «Astana» Bolgariia, Serbiia, Ázerbaijan, Polsha, Rýmyniia jáne basqa elderdiń komandalaryn artta qaldyryp, reitingtiń ekinshi ornynda tur.
Birinshi orynǵa shotlandiialyq «Seltik» jaiǵasqan.
ChL birinshi kezeńindegi aldyńǵy oryndaǵy bes komandanyń reitingi mynadai:
«Seltik» (Shotlandiia) – 34,000
«Astana» (Qazaqstan) – 29,000
«Lýdogorets» (Bolgariia) – 26,000
«Tsrvena Zvezda» (Serbiia) – 22,750
«Karabah» (Ázerbaijan) – 21,000.
Chempiondar Ligasynyń birinshi irikteý kezeńiniń oiyndary 2020 jyldyń 18-19 tamyz kúnderi ótedi. Oiyndar bir matchtan turady.
