"Qairat" fýtbol klýby Chempiondar ligasynyń ekinshi raýndynda serbtiń "Tsrvena Zvezda" komandasyn jeńdi, - dep habarlaidy "Ult aqparat".
Almatynyń Ortalyq stadionynda ótken oiyn 2:1 esebimen alań ieleriniń jeńisimen aiaqtaldy.
12-minýtta Kosovich jambastyń artqy betiniń bulshyqetin sozyp aldy, nátijesinde ony alańnan alyp ketti, al onyń ornyna Qazaqstan quramasynyń qorǵaýshysy Ian Vorogovskii alańǵa shyqty. 24-minýtta Hose Kante dopty qaqpaǵa dál baǵyttady.
Alaida 57-minýtta Dino Mikanovich jasalǵan soqqyny qaitaramyn dep óz qaqpasyna gol soǵyp aldy.
Al 79-minýtta almatylyq klýb fýtbolshylary jeńis golyn soqty. Maki Baniak serb qaqpasynan sańylaý tapty.
Endi «Qairat» atalǵan qarsylasymen syrt alańda 28 shildede qarymta oiyn ótkizedi. Qos oiynnyń nátijesinde basym túsken klýb jarystyń úshinshi satysynda 3 jáne 10 tamyz kúnderi «Alashkert» (Armeniia) jáne «Sherif» (Moldova) jubynyń jeńimpazymen kezdesedi.
Aita keteiik, eki komanda eýrokýbokterde burynyraq kezdesken bolatyn. 2002 jyly ÝEFA kýbogy biliktiliginiń birinshi raýndy aiasynda "Qairat" eki oiynda da 0:2 jáne 0:3 esebimen jeńilip qalǵan edi.
Alaida, 2015/16 jylǵy maýsymda almatylyq klýb Eýropa Ligasynyń irikteý kezeńinde senimdi revansh ótkizdi. "Qairat" serbiialyq klýbty 4:1 esebimen jeńdi.
