UEFA Chempiondar ligasy 1/8 finalynyń eki oiyny ótkiziledi, dep habarlaidy "Ult aqparat".
Alǵashqy jupta «RB Leiptsig» (Germaniia) jáne «Liverpýl» (Angliia) komandalary sheberlik baiqasty. Bul oiyn Germaniiadaǵy koronavirýs infektsiiasynan saqtyq sharalaryna bailanysty Majarstan astanasy - Býdapesht qalasyndaǵy «Pýshkash Arena» stadionynda boldy.
Oiynda aǵylshyn komandasy sapynan 53 jáne 58-minýttarda Mohamed Salah pen Sadio Mane bir-birden gol soqty. «Liverpýl» 2:0 esebimen jeńiske jetti.
Aita keterligi, eki komanda buǵan deiin Chempiondar ligasynda bir-birimen eshqashan kezdesip kórgen emes. Tuńǵysh ret bolǵan oiynda aǵylshyn klýbynyń mereii ústem boldy.
Ispaniianyń «Barselona» klýby óz alańynda «Pari Sen-Jermen» komandasynan 1:4 esebimen oisyrai jeńildi. Esepti 27-minýtta penaltiden ispandyq klýb sapynan Lionel Messi ashqan bolatyn. Budan keiin «Pari Sen-Jermen» jartylai qorǵaýshysy Kilian Mbappe 32, 65 jáne 85, Moize Ken 70-minýtta mergendik tanytty.
Qarymta oiyndar 10 naýryzda bolady. Jeńimpaz komanda shirek finalǵa shyǵady.
Búgin, 17 aqpanda Chempiondar ligasy 1/8 finalynda taǵy eki oiynda «Portý» (Portýgaliia) men «Iýventýs» (Italiia), «Sevilia» (Ispaniia) jáne «Borýssiia Dortmýnd» (Germaniia) komandalary kezdesedi. Qalǵan tórt kezdesý 23 jáne 24 aqpan kúnderine belgilengen.
