Chehiiada joǵalyp ketken 20 jastaǵy qazaqstandyqtyń ákesi ulyn eki apta boiy izdegestirgen soń beineúndeý joldady, dep habarlaidy Sputnik Qazaqstan.
Eske salsaq, qazaqstandyq stýdent Oleg Kýzmin aqpannyń sońynda Pragada joǵalyp ketti. Jas jigitti izdeý jumystary áli esh nátije bergen joq.
Oleg Kýzminniń ákesi beineúndeý joldady. Sergei Kýzmin 12 naýryzda Pragaǵa ushyp keldi. Ol eki aptadan beri jaýapty mekemelerdiń tabaldyryǵyn tozdyryp júr. Alaida quzyrly organ ókilderi kún saiyn "erteń" deýmen ýaqyt ozdyryp jatyr.
Jas jigit joǵalyp ketkeli beri aiǵa jýyq ýaqyt ótti jáne úndeýdegi jazbaǵa sáikes, politsiia áli birde-bir ilik taba almai otyr.
Jergilikti quqyq qorǵaý organdary jigit ákesiniń ótinishi boiynsha qaladaǵy myń kameranyń tek ekeýiniń jazbasyn kórsetken.
"Sonda ýáde etken yntymaqtastyq qaida? Qaýipsizdik qaida? Nege biz bul "qaýipsiz" elge óz balamyzdy jiberip, olarǵa degen tolyq nemqurailylyqqa bei-jai qaraý kerekpiz? Praga politsiiasy nege kómekteskisi kelmei otyr? Politsiiaǵaa kelgen saiyn "eshteńe anyqtai almadyq, erteń kelińizder" degendi estigimiz kelmeidi", - dep jazylǵan áleýmettik jelidegi postta.
Qazir stýdentti izdeý jumystaryna onyń týystary, dostarynan bólek volonterler de jumyla kiristi.
Olar Google-akkaýnt arqyly Olegtiń joǵalǵan túni qai joldarmen júrgenin anyqtap, jergilikti politsiiany ań-tań etti.
Joǵalǵan stýdenttiń ákesi aitqandai, politseiler oǵan ulynyń noýtbýgyn berip, Olegtiń poshtasyn egjei-tegjeili zertteýdi jáne qandai da bir ilik tapqanda, tártip saqshylaryna habarlasýǵa keńes bergen.
Sergei Kýzmin óz basyna túsken jaitqa janashyrlyq tanytatyndardan kómek surap, ulyn bireýler urlap áketýi múmkin ekenin habarlady.
Oleg Kýzmin 2019 jyldan beri Ambis jeke menshik ýniversitetinde bilim alady jáne Pragadaǵy Blanice jataqhanasynda turǵan. Ol 26 aqpanda qaladaǵy túngi klýbtardyń birinde bolǵannan keiin Chehiia astanasynda joǵalyp ketken.
Respýblikanyń syrtqy ister ministrligi Sputnik Qazaqstan agenttigine cheh politsiiasy jas jigitti izdeýdi jalǵastyryp jatqanyn habarlady.
Konsýl bul jaǵdaidy jeke baqylaýda ustap otyr.
