Qazaqstandyq 25 onlain-basylymǵa oqyrmandar aýditoriiasyn taldaýǵa arnalǵan Chartbeat quralyn tegin endirip, otandyq naryqta birinshi bolyp qoldanýǵa múmkindik berilmek, dep habarlaidy "Ult aqparat".
«Baiqaý aiasynda irikteý kezinde respýblikalyq jáne óńirlik BAQ-tan 50-den asa ótinim kelip tústi. Qazaqstandyq media sarapshylarynan turatyn Qamqorshylar keńesi ótinimderdi baǵalap, eń laiyqty degen úmitkerlerdi iriktep shyqty. Naryqtaǵy jumys tájiribesi, saittaǵy kúndelikti jariialanymdar sany, jariialanymdarda dini jáne qylmystyq taqyryptardyń bolmaýy syndy ólshemder boiynsha baǵalaý júrgizildi» delingen Qazaqstan Baspasóz klýby habarlamasynda.
«Uzaq ýaqytqa sozylǵan qyzý talqylaýdan soń, Qamqorshylar keńesiniń músheleri daýys berý arqyly jobaǵa qatysatyn 25 onlain-basylymdy anyqtady. Bul basylymdar tek Astana men Almatydaǵy ǵana emes, sonymen birge óńirlerdegi ártúrli taqyrypta, baǵytta, ártúrli tilde shyǵatyn, ártúrli aýditoriiamen jumys jasaityn BAQ bolyp tabylady. Tańdap alynǵan BAQ Qaznettiń jaǵdaiyn kórýge múmkindik beretin qazaqstandyq onlain-medianyń kesindisi bolyp tabylady. Jobaǵa qatysý arqasynda olar óz aýditoriiasyn jaqsy túsinip, onymen jaqsyraq ózara árekettesip, sáikesinshe jarnama berýshilerdi keńinen tartyp, kiris kózin arttyrýǵa múmkindik alatyndyǵyna senimdimin», - dep atap ótti jobanyń Qamqorshylar keńesiniń tóraǵasy Mihail Dorofeev.
Baiqaý finalyna shyqqan BAQ tizimimen myna silteme arqyly tanysýǵa bolady.
Chartbeat qosymshasyn alǵash bolyp qoldanatyn 25 otandyq BAQ-tyń ishinde Ult.kz portaly da bar.
21 qarasha kúni Almatyda Qazaqstandyq BAQ naryǵyn damytý máselelerine arnalǵan XI «Media Quryltai 2018» respýblikalyq konferentsiiasy aiasynda media qaýymnyń Chartbeat ókilderimen kezdesýi ótedi.
Irikteýden ótken 25 onlain-basylym endi Ortaq eseptegishti (panel) quryp, osynyń arqasynda jarnama berýshiler saittyń tanymaldyǵy jaily senimdi aqparat alatyn bolady. Joba qatysýshylary Ortaq eseptegishte qandai kórsetkishterdiń kórsetiletinin daýys berý arqyly ózderi sheshedi.
Aita ketsek, ozyq onlain-metrikalardy qoldanýǵa arnalǵan joba Qazaqstanda 2018 jyldyń qazanynda iske qosyldy. Joba operatory – Qazaqstan Baspasóz klýby. Joba Qazaqstandaǵy AQSh Elshiligi arqyly Innovatsiialar qory esebinen qarjylandyrylady. Joba irikteýden ótken 25 BAQ-qa bir kúntizbelik jyl ishinde Chartbeat quraldaryn tegin qoldanýǵa múmkindik beredi. Ekinshi jyly Chartbeat jobanyń birinshi jylyna qatysqan 25 BAQ-qa 70%-dyq shegerim usynady. Onyń ústine, joba qatysýshylary kompaniia ókilderinen keńes alyp, oqýdan óte alady.
