قازاقستاندىق 25 ونلاين-باسىلىمعا وقىرماندار اۋديتوريياسىن تالداۋعا ارنالعان Chartbeat قۇرالىن تەگٸن ەندٸرٸپ, وتاندىق نارىقتا بٸرٸنشٸ بولىپ قولدانۋعا مٷمكٸندٸك بەرٸلمەك, دەپ حابارلايدى "ۇلت اقپارات".
«بايقاۋ اياسىندا ٸرٸكتەۋ كەزٸندە رەسپۋبليكالىق جەنە ٶڭٸرلٸك باق-تان 50-دەن اسا ٶتٸنٸم كەلٸپ تٷستٸ. قازاقستاندىق مەديا ساراپشىلارىنان تۇراتىن قامقورشىلار كەڭەسٸ ٶتٸنٸمدەردٸ باعالاپ, ەڭ لايىقتى دەگەن ٷمٸتكەرلەردٸ ٸرٸكتەپ شىقتى. نارىقتاعى جۇمىس تەجٸريبەسٸ, سايتتاعى كٷندەلٸكتٸ جارييالانىمدار سانى, جارييالانىمداردا دٸني جەنە قىلمىستىق تاقىرىپتاردىڭ بولماۋى سىندى ٶلشەمدەر بويىنشا باعالاۋ جٷرگٸزٸلدٸ» دەلٸنگەن قازاقستان باسپاسٶز كلۋبى حابارلاماسىندا.
«ۇزاق ۋاقىتقا سوزىلعان قىزۋ تالقىلاۋدان سوڭ, قامقورشىلار كەڭەسٸنٸڭ مٷشەلەرٸ داۋىس بەرۋ ارقىلى جوباعا قاتىساتىن 25 ونلاين-باسىلىمدى انىقتادى. بۇل باسىلىمدار تەك استانا مەن الماتىداعى عانا ەمەس, سونىمەن بٸرگە ٶڭٸرلەردەگٸ ەرتٷرلٸ تاقىرىپتا, باعىتتا, ەرتٷرلٸ تٸلدە شىعاتىن, ەرتٷرلٸ اۋديتورييامەن جۇمىس جاسايتىن باق بولىپ تابىلادى. تاڭداپ الىنعان باق قازنەتتٸڭ جاعدايىن كٶرۋگە مٷمكٸندٸك بەرەتٸن قازاقستاندىق ونلاين-مەديانىڭ كەسٸندٸسٸ بولىپ تابىلادى. جوباعا قاتىسۋ ارقاسىندا ولار ٶز اۋديتوريياسىن جاقسى تٷسٸنٸپ, ونىمەن جاقسىراق ٶزارا ەرەكەتتەسٸپ, سەيكەسٸنشە جارناما بەرۋشٸلەردٸ كەڭٸنەن تارتىپ, كٸرٸس كٶزٸن ارتتىرۋعا مٷمكٸندٸك الاتىندىعىنا سەنٸمدٸمٸن», - دەپ اتاپ ٶتتٸ جوبانىڭ قامقورشىلار كەڭەسٸنٸڭ تٶراعاسى ميحايل دوروفەەۆ.
بايقاۋ فينالىنا شىققان باق تٸزٸمٸمەن مىنا سٸلتەمە ارقىلى تانىسۋعا بولادى.
Chartbeat قوسىمشاسىن العاش بولىپ قولداناتىن 25 وتاندىق باق-تىڭ ٸشٸندە Ult.kz پورتالى دا بار.
21 قاراشا كٷنٸ الماتىدا قازاقستاندىق باق نارىعىن دامىتۋ مەسەلەلەرٸنە ارنالعان XI «Media قۇرىلتاي 2018» رەسپۋبليكالىق كونفەرەنتسيياسى اياسىندا مەديا قاۋىمنىڭ Chartbeat ٶكٸلدەرٸمەن كەزدەسۋٸ ٶتەدٸ.
ٸرٸكتەۋدەن ٶتكەن 25 ونلاين-باسىلىم ەندٸ ورتاق ەسەپتەگٸشتٸ (پانەل) قۇرىپ, وسىنىڭ ارقاسىندا جارناما بەرۋشٸلەر سايتتىڭ تانىمالدىعى جايلى سەنٸمدٸ اقپارات الاتىن بولادى. جوبا قاتىسۋشىلارى ورتاق ەسەپتەگٸشتە قانداي كٶرسەتكٸشتەردٸڭ كٶرسەتٸلەتٸنٸن داۋىس بەرۋ ارقىلى ٶزدەرٸ شەشەدٸ.
ايتا كەتسەك, وزىق ونلاين-مەتريكالاردى قولدانۋعا ارنالعان جوبا قازاقستاندا 2018 جىلدىڭ قازانىندا ٸسكە قوسىلدى. جوبا وپەراتورى – قازاقستان باسپاسٶز كلۋبى. جوبا قازاقستانداعى اقش ەلشٸلٸگٸ ارقىلى يننوۆاتسييالار قورى ەسەبٸنەن قارجىلاندىرىلادى. جوبا ٸرٸكتەۋدەن ٶتكەن 25 باق-قا بٸر كٷنتٸزبەلٸك جىل ٸشٸندە Chartbeat قۇرالدارىن تەگٸن قولدانۋعا مٷمكٸندٸك بەرەدٸ. ەكٸنشٸ جىلى Chartbeat جوبانىڭ بٸرٸنشٸ جىلىنا قاتىسقان 25 باق-قا 70%-دىق شەگەرٸم ۇسىنادى. ونىڭ ٷستٸنە, جوبا قاتىسۋشىلارى كومپانييا ٶكٸلدەرٸنەن كەڭەس الىپ, وقۋدان ٶتە الادى.
