QR Shanhaidaǵy Bas konsýldyǵynyń diplomattary Chanjoýda (QHR) qaza tapqan stýdenttiń týǵan-týystarymen birge Qoǵamdyq qaýipsizdik departamentiniń, Sandira Serikhanova oqyǵan ýniversitettiń jáne saqtandyrý kompaniiasynyń ókilderimen kezdesý uiymdastyrdy, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
"Biylǵy jyldyń 26 sáýirinde Chanchjoý qalasyndaǵy (Tsziansý provintsiiasy, QHR) turǵyn úilerdiń biriniń 17-qabatynan qulaý saldarynan, Tsziansý provintsiiasynyń tehnologiialyq ýniversitetiniń stýdenti, 1995 jyly týǵan QR azamatshasy Sandira Serikhanova kóz jumǵan bolatyn. Bul qaiǵyly oqiǵa týraly aqparatty alǵannan keiin QR Shanhaidaǵy Bas konsýldyǵynyń qyzmetkerleri marqumnyń ata-anasyna dereý habarlap, sondai-aq elimizdegi Qytai Elshiliginde S. Serikhanovanyń ákesine jáne aǵasyna QHR vizalaryn jedel resimdeýge kómek kórsetti.
Olar Chanchjoý qalasyna kelgennen keiin QR Shanhaidaǵy Bas konsýldyǵynyń diplomattary Qoǵamdyq qaýipsizdik departamentiniń ókilderimen, S. Serikhanova oqyǵan ýniversitettiń jáne saqtandyrý kompaniiasynyń ókilderimen kezdesý uiymdastyrdy", - delingen syrtqy saiasat vedomostvosynyń Telegram-da jariialanǵan habarlamasynda.
Ótken kezdesýde týǵan-týystaryna S.Serikhanova qaza tapqan úidiń kireberisine ornatylǵan kameralardyń tiisti beinematerialdary kórsetildi.
Tergeý áreketteriniń nátijelerine sáikes, ólim jazataiym oqiǵa saldarynan bolǵany anyqtaldy. Kisi óltirý kúdigi anyqtalǵan joq.
Qazaqstandyq diplomattar Shanhaida qaza tapqan QR azamatynyń máiitin Otanyna jetkizýge kómek kórsetti. 2 mamyrda S.Serikhanovanyń múrdesi Beijińnen Nur-Sultanǵa jetkizildi.
