.jpeg)
Áskeri bailanysshylar táýlik boiy qarýly kúshterdi sońǵy úlgidegi tiimdi ári sapaly bailanyspen qamtamasyz etedi. Olar qarý-jaraq pen áskerdi basqarý júiesiniń sapaly bolǵanyn qoldaidy. Bailanys toraptary men tehnikalyq jabdyqtardyń jaramdylyǵyn únemi baqylap otyrady. Osy oraida qazirgi zamanǵy bailanys týraly Qazaqstan Respýblikasy Qarýly kúshteri Bas shtaby bailanys departamentiniń aǵa-ofitseri Nurlan Maratuly Qalmanov aityp berdi, – dep habarlaidy «Ult aqparat».
Onyń aitýynsha, jalpy bailanys uǵymy ózara aqparat almasý uǵymyn bildiredi. Qazirgi kúndi tipti bailanyssyz elestetý múmkin emes. Sol siiaqty soǵys ýaqytynda da senimdi bailanys – jeńistiń kepili. Sebebi bailanys eń aldymen – basqarý. Sol sebepti áskeri basqarý júiesinde aqparat almasýda, qarý-jaraqpen basqarýda qamtamasyz etetin áskeri bailanys júiesi qurylǵan.
«Áskeri bailanystyń sapaly jumys atqarýyn qamtamasyz etetin Qazaqstan respýblikasy Qarýly kúshteriniń bailanys áskerleri bar. Bailanys áskerleri Qarýly kúshterdiń qurylymdaryn basqarý, bailanystyń barlyq túrimen qamtamasyz etý úshin qurylǵan arnaiy ásker bolyp sanalady. Óz quramynda bailanys áskeri áskeri bólimderden bailanys toraptarynan quralǵan. Búgingi kúnde sol áskeri bólimder zamanaýi talaptarǵa sai keletin radio, profsferalyq, spýtniktik, zamanaýi talaptarǵa sai keletin áskeri tehnikalarmen jabdyqtalǵan.
Jalpy, Qazaqstan tarihynda bailanys máselesinde úlken, negizgi oryn alǵan, mysaly Qazaq handyǵy dáýirinde de, Jońǵar shapqynshylyǵy kezinde de senimdi bailanysshylar mindetin erjúrek jaýshylar atqarǵan. Jáne bailanys quraldary retinde úrmeli aspaptar, dombyra qoldanylǵan. Iaǵni bailanys uiymdastyrylǵan. Sodan keiingi tarihi kezeńderde elektronika paida bolǵannan beri aqparat almasý tehnologiialary qarqyndy dami bastady. Aldymen telegraf quraldary, odan keiin telefon, radio bailanys quraldary qoldanysqa endi. Ózimizdiń Táýelsizdigimizdi alyp, áskerimizdi qurǵan jyldan bastap Qarýly kúshterinde Bailanys áskerleri jabdyqtaldy. Eń birinshi, Keńes áskerinen mura bolyp qalǵan eski bailanys júiesi, áskeri tehnikalyq bailanys quraldary boldy. Keiingi kezeńderde bailanys áskerleriniń quryltaishysy, alǵashqy bastyǵy maior Orynbekov basqarǵan bailanysshylar, odan keiingi jyldarda bailanys tizginin ustap otyrǵan basshylar, jáne sonymen qatar qamtamasyz etken barlyq áskeri mamandar, búgingi kúni bizdiń qurmetti ardagerlerimizdiń eńbegi orasan zor», – deidi Qazaqstan Respýblikasy Qarýly kúshteri Bas shtaby bailanys departamentiniń aǵa-ofitseri Nurlan Maratuly.
Qazirgi tańda QR Qorǵanys ministrliginiń bekitýimen Áskeri bailanysshylardyń kásibi merekesi dep bekitilgen kúni bar. Ol 31 qazan bolyp bekitilgen. Sebebi 1992 jyly osy kúni Áskeri bailanys organy Qorǵanys ministrliginiń bailanys departamenti qurylǵan.
«Búgingi kúni jetistikterimiz az emes. Onyń biri – osy úsh jyl qatarynan Halyqaralyq armiia oiyndarynda senimdi qabyldaý konkýrsynda bizdiń áskeri bailanysshylar jeńimpaz atandy. Sonymen qatar, ózimizdiń elde ótetin barlyq halyqaralyq dárejedegi is-sharalar bolsyn, oqý-jattyǵýda bolsyn, áskeri bailanysshylar ózderine berilgen tapsyrmany joǵary deńgeide atqaryp júr.
Qazirgi zamanda telekommýnikatsiia bir orynda turmaidy. Olar jańǵyryp, damyp otyrady. Osy oraida bailanys áskerleriniń damý perspektivalary týraly aitatyn bolsaq, bul óte mańyzdy baǵyt. Óte kúrdeli jáne aýqymdy jumys. Sebebi, qazirgi bailanys sapaly bolý úshin, bir jaǵdaida ǵana qalyp qoimaý kerek. Qazir álemde óte damyp jatqan aqparat taratý, telekommýnikatsiia, tehnologiialardyń damyp jatqan ýaqytynda áskeri bailanystyń da zamanaýi talaptarǵa sai bolǵany óte mańyzdy. Sol sebeti qazirgi tańda QR Qorǵanys ministrliginiń basshylyǵy, Qarýly kúshterimizdiń Bas shtabynyń basshylyǵy osy áskeri bailanystyń jabdyqtalýy men damýyna asa mán berip, únemi qoldaý kórsetip otyrady. Jáne onyń sapasy men bailanystyń qaýipsizdigine óte joǵary talaptar qoiady. Búgingi tańda QR Qarýly kúshteriniń Bailanys departamenti otandyq qorǵanys mekemelerimen birige otyryp, aýqymdy jumysty atqaryp jatyr. Mysaly, barlyq burynǵy eskirgen áskeri tehnikalar zamanaýi talaptarǵa sai keletin tsifrlyq tehnologiialarmen jabdyqtalǵan bailanys tehnikalarymen aýystyryldy. Qazirgi tańda Qorǵanys qarýly kúshterdiń qoldanysynda tsifrly orta qýatty radiostantsiialar, komandalyq basqarý shtabtyq mashinalary, tafassferalyq radiatsiialyq stantsiialar, spýtniktik bailanys keshenderi qoldanysta. Eń jetistigimiz sol zamanaýi talaptarǵa sai tehnikalar ózimizdiń otandyq kompaniialarda jasalǵan», – deidi aǵa-ofitseri Nurlan Qalmanov.
Rasynda qandaida bir zamanaýi tehnika bolǵanymen, eger bilimi joǵary maman bolmasa, árine ol eshqandai jetistikterge jetýi múmkin emes. Sol sebepti bul bailanys mamandyǵy joǵary , intellektýaldy, bilimdi jáne árdaiym izdenisti talap etetin mamandyq. Jalpy áskeri bailanysshylardyń ofitserleri Almaty qalasynda ornalasqan Radioelektronika jáne bailanys áskeri injenerlik institýtynda daiyndalady.
«Búgingi tańda Qarýly kúshterimizdegi barlyq bailanysshy ofitserler osy institýttyń túlekteri. Sonymen qatar kishi mamandyqtardyń da orny bólek, sol sebepti kishi mamandyq daiarlaý bizdiń Almaty oblysynda ornalasqan oqý ortalyǵynda daiyndalady. Osy oqý ortalyq alty ai ishinde ásker qataryna qabyldanǵan sarbazdardy radiostantsiianyń bastyqtary, tardiotelegrafister, radiomehanikter siiaqty mamandyqtar boiynsha daiyndap shyǵarady. Bir qýanyp aita ketetin jaǵdai, biylǵy jyldan bastap osy oqý ortalyǵynda eki mamandyq boiynsha sarbazdardy daiarlaimyz dep josparlap otyrmyz. Iaǵni ásker qataryna shaqyrylǵan sarbaz áskeri mamandyqpen qosa azamattyq mamandyq ta alyp shyǵady. Ol degenimiz áskerge shaqyrylǵan sarbaz úiine mamandyq alyp qaitady degen sóz. Sonymen qatar, bizdiń josparymyzda Ulttyq Qorǵanys ýniversitetinen Bailanys kafedrasyn ashý bar. Sebebi ol búgingi kúnde ofitserlerdiń bilimin jetildirý aýadai qajet. Ol mamandardy óz elimizde daiyndaý óte tiimdi jáne aldaǵy kúnde ǵylymi jumystarmen ainalysýǵa da múmkindik beredi dep oilaimyn», – deidi aǵa-ofitseri Nurlan Qalmanov.
