Caiasattanýshy Baýyrjan Serikbaev Prezidenttiń búgingi Joldaýyndaǵy mańyzdy 3 máseleni atady. Bul týraly ol óziniń áleýmettik jelidegi paraqshasynda jazdy.
"Birinshi, muǵalimderdiń jalaqysy aldaǵy ýaqytta da ósetin bolady. Osy maqsatta Prezident biýdjetten qarjy bólýdi tapsyrdy. Qazir aýyldy jerlerde 10-15 jyl stajy bar muǵalimder, tolyq stavkamen 200-300 myń teńge arasynda jalaqy alady. Aldaǵy ýaqytta da bul óse beretin bolsa, muǵalimder úshin jaqsy ózgeris.
Ekinshi, ǵalymdardyń jalaqysy ósedi. Jaqynda Ulttyq ýniversitetterdegi professorlardyń jalaqysy 450 myń teńgeden kem bolmasyn degen ministrlik talaby shyqqan. Endi prezident tapsyrmasymen ǵalymdarǵa beriletin memlekettik granttar 3 jyldan 5 jylǵa deiin uzartylady. Ǵylymmen ainalysý úshin granttar sany da artady. Ǵylymi institýt ǵalymdarynyń, ýniversitet ustazdarynyń jaǵdaiy jaqsarady degen sóz. Sabaq berýmen, grant arqyly ǵylymmen qatar ainalysatyn ǵalymdardyń tabysyn eseptei berińiz.
Úshinshi, mádeniet salasy qyzmetkerleri, qoryqshylar, kitaphanashylar, tehnikalyq sala qyzmetkerleriniń jalaqysy jyl saiyn 20%-ke ósedi. Bul elimiz boiynsha 600 myń azamatty qamtidy.
Sońǵy kezderi muǵalimder men ǵalymdarǵa memleket barlyq jaǵdaidy jasap jatyr. 2025 jylǵa qarai tek ǵylymnyń ózine IJÓ-niń 1% bólinetin bolady. Meniń oiymsha ǵylym salasyna, ýniversitette ustazdyq etetin ǵalymdar, muǵalimder aldaǵy 3-4 jylda elimizdegi jalaqysy men tabysy kóp eń bedeldi mamandyqtar qatarynda bolady. Soǵan kele jatyrmyz. Jastar osyǵan beiimdelýi kerek dep oilaimyn" - deidi saiasattanýshy.
