Caiasattaǵy áielderdiń úlesi boiynsha elder reitinginde Qazaqstan 193 eldiń ishinde 104-oryndy ielendi. Bul týraly www.energyprom.kz saity habarlady.
Qazaqstandaǵy saiasi tepe-teńdikti baǵalaý 22 baldy qurady. Memleketke berilýi múmkin eń tómengi baǵa — 0, eń joǵarǵysy — 100 (bul eldegi saiasi mańyzdy laýazymdardyń 50%-y áielderde degendi bildiredi).
Saiasi tepe-teńdikti baǵalaý áielderdiń bilikte bolý faktisin, iaǵni áielderdiń yqpaly men saiasi qalaýyn emes, sandyq qatysýyn ǵana eskeredi.
Barlyq qatysýshy elder arasynda aǵymdaǵy jyldyń basynda 21 ǵana 50 jáne odan da kóp ball jinady. Sondai-aq jyl basynda qarastyrylyp otyrǵan 22 eldiń ishinde memleket nemese parlament basshysy áiel bolǵan. Anyqtama úshin: 1946 jyldan bergi kezeńde áielder reitingke qatysýshy barlyq elderdiń tek 68-inde ǵana memleket nemese úkimet basynda boldy.
Reitingti Kosta-Rika, Rýanda, Islandiia, Shvetsiia jáne Finliandiia bastap tur. EAEO elderi arasynda Qazaqstan Belarýske ǵana jol berdi (álemde 49-oryn, baǵalaý - 38), sonymen qatar eldiń pozitsiiasy Armeniia, Qyrǵyzstan jáne Reseige qaraǵanda joǵary boldy.
Elimizde óńirlerdiń 17 ákimi arasynda tek Qyzylorda oblysyn ǵana áiel basqarady. 17 ministrliktiń ishinde áielder tek mádeniet jáne sport ministrligi men Aqparat jáne qoǵamdyq damý ministrliginiń basynda tur.
Sońǵy derekter boiynsha (2019 jyly) el boiynsha basshylyq laýazymdardaǵy áielderdiń úlesi orta eseppen 43%-dy qurady, bul bir jyl burynǵy 41,2%-ǵa qaraǵanda kóbirek. Elimizdiń 17 óńiriniń ishinde basshy áielderdiń úlesi elordada ǵana 50%-dan asty. TOP-3 óńirge Almaty men Pavlodar oblysy da kirdi. Basshylyq laýazymdardaǵy áielderdiń eń azy Aqtóbe oblysynda jumyspen qamtyldy (barlyǵy 27,3%).
