Sporttyq arbitraj soty (CAS) júzýden úsh dúrkin olimpiada chempiony qytailyq Sýn Iandy antidoping erejesin buzǵany úshin segiz jylǵa sporttan shettetti. Bul týraly CAS baspasóz qyzmeti.
28 jastaǵy sportshy 2020 jyldyń 28 aqpanynan bastap sporttyq jarystarǵa qatysa almaidy.
2018 jyly Sýn Ian odan synama alýǵa kelgen doping-baqylaý ofitseriniń kózinshe synamany balǵamen uryp, syndyrǵan edi. Alǵashqyda ol nesebin tapsyrýdan bas tartyp, keiin ydysty balǵamen syndyrǵan jáne ishindegi qan synamasyn tartyp alǵan. Halyqaralyq júzý federatsiiasy (FINA) sportshyǵa eshqandai sanktsiia jasamady, alaida Dúniejúzilik antidoping agenttigi (WADA) CAS-qa isti qaita qaraýdy talap etken. 2014 jyly Sýn Ian tyiym salynǵan zatty paidalanǵany úshin úsh aiǵa sporttan shettetildi, bul týraly onyń merzimi aiaqtalǵan kezde jariialandy. CAS buzýshylyqtyń qaitalanýyna bailanysty eń uzaq sanktsiia saldy, iaǵni ol segiz jylǵa sporttan shettetildi.
Sýn Ianniń buzýshylyǵy 2019 jylǵy álem chempionaty bastalǵanǵa deiin tirkelgenimen, qytailyq sportshy ielengen eki altyn júlde alynǵan joq. Sebebi, týrnirde sportshynyń doping-synamalary teris nátije bergen.
