Halyqaralyq sarapshylar qaýymdastyǵy Ózbekstandaǵy memlekettik jáne qoǵamdyq qurylys júiesin jetildirý máseleleri boiynsha óz pikirlerimen bólisti. Dóńgelek ústeldi Ózbekstan Respýblikasy Prezidenti janyndaǵy Memlekettik basqarý akademiiasy, Qazaqstandaǵy jáne Ózbekstandaǵy Fridrih Ebert qory ókildigi men Astana memlekettik qyzmet haby uiymdastyrdy.
Jiynǵa Aziia, Amerika jáne Eýropa elderiniń memlekettik organdary, saraptamalyq ortalyqtary men bilim berý mekemeleriniń 150-den astam ókilderi qatysty.
Dóńgelek ústelde Ózbekstan Respýblikasy Olii Májilisi Zań shyǵarý palatasy Spikeriniń Birinshi orynbasary Akmal Saidov, sonymen birge Ózbekstan, Qazaqstan, Qyrǵyzstan jáne Reseidegi memlekettik basqarý akademiialary jetekshileri, Qazaqstandaǵy jáne Ózbekstandaǵy Fridrih Ebert qory aimaqtyq bóliminiń basshysy sóz sóiledi. Olar memlekettik basqarý reformasy, adam quqyqtary men azamattyq qoǵamdy jandandyrý salasyndaǵy Ózbekstannyń jetistikterin atap ótti.
Óz kezeginde, Astana memlekettik qyzmet haby Basqarýshy komiteti tóraǵasy Alihan Baimenov Ózbekstan habqa qatysýshy belsendi elderdiń biri ekenin atap ótti. Sonymen qatar ol halyqaralyq tájiribege sáikes memlekettik basqarý sapasy men keshendi strategiialardy júzege asyrýda eskerilý qajet faktorlarǵa toqtaldy. Onyń ishinde strategiialyq jáne biýdjettik josparlaý júiesiniń tutastyǵyn, institýttaralyq qatynastardyń aiqyndyǵyn, aqparattyq aǵyndardy ońtailandyrýdy, memlekettik apparat ishindegi biznes-úderister men memlekettik qyzmetterdi kórsetý úderisterin ońailatýdy, qoǵamdyq qatysý men azamattyq belsendilikti qamtamasyz etýge erekshe nazar aýdardy.
Talqylaý barysynda is-sharaǵa qatysýshylar spikerlerge suraqtar qoiyp, memlekettik basqarý men qoǵamdyq qurylys júiesin odan ári jetildirýdiń joldary men baǵyttaryn talqylady.
