Biryńǵai jinaqtaýshy zeinetaqy qory zeinetaqy jinaǵynyń jai-kúii týraly aqparat alýdyń birneshe tásilin usynady, dep habarlaidy "Ult aqparat" qordyń baspasóz qyzmetine silteme jasap.
Aqparattandyrýdyń eń tanymal tásilderi – elektrondyq tásilder, iaǵni elektrondyq poshta arqyly, BJZQ-ǵa usynylǵan mekenjaiǵa; elektrondyq tsifrlyq qoltańbany nemese paidalanýshynyń logini men parolin, onyń ishinde uialy qosymshany paidalana otyryp, jeke kabinet arqyly júzege asyrylady.
«2020 jyldyń 1 naýryzyna deiin sońǵy tásildi 5,6 millionnan astam jeke zeinetaqy shotynyń iegeri paidalandy. Bul tásildiń artyqshylyǵy, eń aldymen, jyldam pen yńǵaily. Basqa tásilden ereksheligi, onyń kómegimen siz kez kelgen ýaqytta jáne kez kelgen jerde shotyńyzdy teksere alasyz. Gadjettińiz arqyly jeke zeinetaqy shotyńyzdan úzindi kóshirme alyp, zeinetaqy aktivteri boiynsha aǵymdaǵy kórsetkishti, sharttar derektemesin jáne t.b. kóptegen málimetti kóre alasyz», delingen habarlamada.
BJZQ uialy servis retinde qosymshany ǵana damytyp qoimai, messendjerge de túrli fýnktsiialardy belsendi túrde engizýde. Tanymal Telegram messendjerinde shaǵyn úzindi kóshirme alýǵa, jeke kabinettiń qupiia sózin qalpyna keltirip, BJZQ-nyń ózekti jańalyǵymen jáne aǵymdaǵy kórsetkishimen tanysýǵa, sondai-aq qordyń jaqyn jerdegi bólimshesin tabýǵa bolady.
850 myńnan astam salymshy (alýshy) aqparattandyrý tásili retinde elektrondyq poshtany tańdady. Bul da yńǵaily tásil.
Aita ketý kerek, qalalar men oblystar bólinisinde aqparat alýdyń elektrondyq tásili Nur-Sultan, Almaty qalalarynda, Qaraǵandy jáne Túrkistan oblystarynda keńinen taraǵan.
Internettiń jyldam damýyna qaramastan BJZQ filialyna kelip ótinish bildirý tásili de tanymaldyǵyn jalǵastyrýda. Qazirgi ýaqytta – bul tanymaldyǵy jaǵynan aqparattandyrýdyń ekinshi tásili. Jeke zeinetaqy shotynyń 1 980 240 iegeri dál osy nusqany tańdady.
«BJZQ-dan aqparatty poshta qyzmetiniń kómegimen alatyn azamattardyń sany birte-birte azaiyp keledi. Aqparat berýdiń mundai tásilin jylyna bir ret (!) 3 mln salymshy tańdady. Aqparat alý maqsatynda kórsetilgen meken-jai ózgergen jaǵdaida, bul týraly qorǵa habarlaý qajet ekenin eske salamyz. Eger muny jasamasańyz, onda BJZQ-nyń zeinetaqy jinaǵynyń jai-kúii týraly aqparatty odan ári jibermeýge quqyǵy bar», delingen habarlamada.
