Biryńǵai jinaqtaýshy zeinetaqy qoryna 104 myńnan astam azamattan ótinish tústi. Bul múmkindikti 700 myńǵa jýyq qazaqstandyq qoldana alady.
Bul týraly Biryńǵai jinaqtaýshy zeinetaqy qorynyń baspasóz qyzmeti málimdedi.
10 aqpandaǵy jaǵdai boiynsha BJZQ-ǵa «Otbasy banki» men «Qazaqstannyń Halyq banki» (operatorlar) arqyly 104 076 ótinish túsken. Zeinetaqy qorynda jetkiliktilik shegi bar azamattar baspana jaǵdaiyn jaqsartpaq.
Osy ótinishterdiń 6,8-i óńdelip jatyr. Operatorlar shotyna 36,8 mlrd teńge jiberiledi. 32,8 myń ótinish zańnama talabyna sai kelmegendikten, qarastyrylmaidy.
Jalpy somasy 350 mlrd teńgege 64,3 myń ótinish maquldandy. Tólemniń ortasha somasy - 5,4 mln teńge.
Birjolǵy zeinetaqy tólemderdi alýǵa berilgen ótinishterdiń basym bóligi burynǵysynsha Almaty (20,6%), Nur-Sultan (16,7%) jáne Mańǵystaý oblysynyń (14,6%) turǵyndarynan kelip túsýde.
Ótinimderdiń qabyldanbaýynyń sebepteri:
1. Somalar durys kórsetilmegen, onyń ishinde zeinetaqy jinaqtarynyń somasy artyq kórsetilgen.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
3. Salymshylar alýǵa bolatyn soma sheginde emes, zeinetaqy jinaqtarynyń búkil somasyn kórsetti.
4. Ótinimde ózekti emes somalar kórsetilgen, iaǵni salymshylar investitsiialyq tabystyń naryqtyq aýytqýyna bailanysty zeinetaqyZei somasyndaǵy ózgeristerdi eskermegen.
5. «BJZQ» AQ derekter bazasynda jeke zeinetaqy shottary jáne tiisinshe zeinetaqy jinaqtary joq tulǵalardan da ótinimder túsken.
6. Salymshylar qaitalaityn ótinimder bergen.
