Biryńǵai jinaqtaýshy zeinetaqy qoryndaǵy jeke zeinetaqy esep-shoty avtomatty túrde ashylatyn bolady. Bul týraly málimetti QR Eńbek jáne halyqty áleýmettik qorǵaý ministrliginiń baspasóz qyzmeti taratty.
Baspasóz málimetterine qaraǵanda, azamattardyń jinaqtaýshy zeinetaqy júiesine qatysýyna qatysty kelesi jaǵymdy jańalyqtyń biri, jeke zeinetaqy esepshotyn ashý rásimi jeńildetilip otyr. 2018 jyldyń 27 jeltoqsanyndaǵy QR «Qazaqstan Respýblikasynyń halyqty jumyspen qamtý máseleleri boiynsha birqatar zań aktilerine ózgerister men tolyqtyrýlar engizý týraly» Zańyna engizilgen túzetýler mindetti zeinetaqy jarnasyn tóleý protsedýralaryn ońtailandyrýǵa baǵyttalǵan.
Jańa jarna tóleýshiler úshin Biryńǵai jinaqtaýshy zeinetaqy qorynyń mindetti zeinetaqy jarnasyn tóleýshilerge jeke zeinetaqy shotyn ashý jeńildetilgen.
Qoldanystaǵy zańǵa sáikes, (2018 jyldyń 27 jeltoqsanynda engizilgen ózgeristerge deiingi) Biryńǵai jinaqtaýshy zeinetaqy qorynda jeke tulǵalar jeke zeinetaqy esepshotyn ashý úshin BJZQ bólimsheleriniń qyzmetine júginip, ótinish jazatyn. Endi jarna tóleýshiler úshin, BJZQ-ǵa túsken alǵashqy jarna negizinde avtomatty túrde esepshot ashylady.
Bul «ótinishsiz» mehanizmi boiynsha mindetti zeinetaqy jarnasy esebinen jeke zeinetaqy esepshotyn ashý BJZQ zeinetaqy erejelerine engizilgen ózgerister 2019 jyldyń birinshi toqsanynda júzege asqan sátten bastap jumys isteidi.
Bul oraida jarna tóleýshilerdiń barlyq qajetti maǵlumattaryn, jeke kýáliginiń, turaqty mekenjaiy týraly málimetterin BJZQ memlekettik organdardyń aqparattyq júiesinen alady.
