«BIýRO 100» bastamasy aiasynda Qazaqstannyń Azamattyq Aliansy úkimettik emes uiymdary ókilderiniń kezdesýi ótti. Bul týraly Qazaqstannyń Ortalyq kommýnikatsiialar qyzmetinde habarlandy.
Kezdesýdiń maqsaty – «Qazaqstannyń 100 jańa tulǵasy» jobasyna úmitkerlerdi usyný úshin azamattyq sektor qozǵalysynyń strategiiasy men jalpy tásildemelerin ázirleý boiynsha «BIýRO 100» bastamasyn talqylaý.
QR Parlamenti Májilisiniń depýtaty Pavel Kazantsev jobanyń júzege asýy úshin júieli jumystar atqarylý kerektigin alǵa tartty.
«Búgingi kezdesýge elimizdiń jáne elordamyzdyń azamattyq sektorlaryndaǵy tájiribeli ókilder, QR Parlamenti Májilisiniń, Astana qalasy máslihatynyń depýtattary, qoǵamdyq sanany jańǵyrtý baǵdarlamasyn iske asyrý jónindegi Ulttyq komissiianyń jumys toby músheleri, «BIýRO 100» bastamashyl toptyń músheleri sport salasynyń mamandary jáne BAQ ókilderi qatysyp otyrǵandyqtan salmaqty oilar sarapqa salynady dep oilaimyn. Sondyqtan bárimiz bir kisidei at salysaiyq», – dedi ol.
Basqosý barysynda «BIýRO 100» bastamashyl tobynyń múshesi Mahabbat Esen atalǵan toptyń negizgi maqsatymen tanystyryp ótti.
«Qazaqstandaǵy 100 jańa esim» jobasy Elbasy N.Á. Nazarbaevtyń «Bolashaqqa baǵdar: rýhani jańǵyrý» atty maqalasynda aitylǵan bolatyn. Onyń maqsaty táýelsiz eldiń damýyna úles qosqan azamattardy anyqtap, olardyń esimderi men tabysqa jetý jolyn kópshilikke tanystyrý. «BIýRO 100» bastamashyl toby osy jobany halyqqa keńinen nasihattaýǵa kómek kórsetedi jáne el ishinde túrli salada aýqymdy ister atqaryp júrgen, biraq esimderi beimálim tulǵalardy tabýǵa aqparattyq turǵydan qol ushyn beredi», – dedi.
Jaqynda Aqparat jáne kommýnikatsiialar ministri Dáýren Abaev «Qazaqstannyń 100 jańa tulǵasy» jobasyn qoldaýǵa daiyn qoǵam belsendilerimen kezdesý uiymdastyryp, sol kezdesý barysynda «BIýRO 100» bastamashyl tobynyń qurylatyndyǵyn habarlaǵan edi.
