Biýdjettiń shyǵys qarqynyn shektep, taý-ken sektorynan alynatyn salyq mólsherlemesin arttyrýdyń arqasynda biyl kiris 40 paiyz artady. Úkimettiń keńetilgen otyrysynda Premer-Ministr Álihan Smaiylov osyndai málimet aitty, dep habarlaidy QazAqparat.
«Taý-ken setkorynan qosymsha túsimder alý úshin zańmen paidaly qazba bailyqtardy igerýge salynatyn salyqtyń mólsherlemesin 30 paiyzdan 50 paiyzǵa deiin kóbeitý qarastyryldy. Tsifrlyq mainingke salyq salý úshin saralanǵan mólsherlemeler qarastyryldy.
2023 jyldyń 1 qańtarynan bastap mikro jáne shaǵyn biznes úshin eńbekaqy qorynyń biryńǵai tólemi engiziledi. Bul eńbekaqy qoryna túsetin salyq júktemesin 35%-dan 20%-ǵa deiin azaitady», - dedi Álihan Smaiylov.
Úkimet basshysynyń aitýyna qaraǵanda, qazir arnaiy salyq rejimderin qoldaný boiynsha salyqtyq ákimshilendirýdiń servistik modeline kóshý jumystary júrgizilip jatyr.
«Jańa biýdjettik saiasat boiynsha 3 jyldyq biýdjet pen Ulttyq qordyń ólshemderi qarymta tsikldyq erejelerdi eskere otyryp belgilenedi. Mundai erejelerdiń engizilýi Ulttyq qordyń jinaqtaýshy fýnktsiiasyn arttyrady. Biýdjettiń teńgerimdiligi onyń kiris bazasyn nyǵaitý jáne biýdjet shyǵysynyń qarqynyn shekteý arqyly qamtamasyz etiledi. Respýblikalyq biýdjettiń óz tabysy biyl 40% ósedi», - dedi Úkimet basshysy.
