«Nur Otan» partiiasy Memleket basshysy Nursultan Ábishuly Nazarbaevtyń 5 áleýmettik bastamasynyń oryndalý barysyn baqylaý maqsatynda arnaiy otyrys ótkizdi. Partiianyń Ortalyq apparatynda ótken sharaǵa partiia Hatshysy Tamara Dúisenova tóraǵalyq jasady.
Otyrys barysynda Elbasy úndeýindegi "Jalaqysy tómen jumysshylardyń eńbekaqysyn kóbeitý úshin olardyń salyq júktemesin azaitý" jáne "Shaǵyn nesie berýdi kóbeitý" jaiy nazarǵa alyndy. Is-sharaǵa partiia Hatshysy Ilia Terenchenko, partiia jáne ókiletti memlekettik organdardyń qyzmetkerleri, Qazaqstandaǵy Kásipodaqtar odaǵy federatsiiasynyń ókilderi, QR Parlamenti Májilisiniń depýtattary qatysty. Sondai-aq beinekonferentsiia bailanysy arqyly partiianyń barlyq óńirlik filialdary qosyldy.
Memleket basshysy úndeýindegi ekinshi bastamanyń júzege asý barysy boiynsha Ulttyq ekonomika vitse-ministri Serik Jumanǵarin baiandama jasap, esep berdi. Bastamaǵa sáikes, jalaqysy 25 ailyq eseptik kórsetkish nemese 60 125 (alpys myń bir júz jiyrma bes) teńgeden tómen jumysshylar úshin jeke tabys salyǵynyń mólsherlemesin 10 ese tómendetý usynylmaq. Sondai-aq salyq salynatyn tabys 90 paiyzǵa azaitylady eken. Qalǵan eńbekaqyǵa 10 paiyz mólsherlememen jeke tabys salyǵy salynatyny da belgili boldy. Iaǵni, salyq júktemesi 10 esege tómendeidi. Atalǵan tetikti qoldaný qyzmetkerdiń dereý jáne kepildikti qosymsha tabys alýyn (negizgi jalaqy alý kezinde) paiymdaidy jáne jumys berýshiniń qarjylyq júktemesin ulǵaitpaidy.
Usynylǵan mehanizmdi eske asyrýdyń nátijesinde qazaqstandyq jumyskerler shamamen 29 milliard teńge kóleminde qosymsha jalaqy alatyn bolady. Ony úsh jyldyq transfertter kezeńinde respýblikalyq biýdjet qarjysynyń esebinen jabylady.
Turǵyndarǵa salynatyn salyq mólsherlemesin jeńildetý men mikrokreditteý salasyndaǵy jumystar da talqylandy. Shaǵyn nesie berý mólsheri boiynsha Astana men Almaty qalalary, Mańǵystaý jáne Atyraý oblystarynda jospar oryndalmaǵan. Onlain jiynda munyń sebepteri naqtylanyp, aldaǵy ýaqytta jumystardy jyldamdatý jaiy tapsyryldy.
Qazaqstan Respýblikasy Kásipodaqtar Federatsiiasynyń tóraǵasy Birjan Nurmaǵambetov biýdjettik qyzmetkerler úshin ailyq esepteý júiesin ózgertý jaiyn usyndy.
- Biýdjet boiynsha eń tómengi jalaqy - bárine belgili negizgi laýazymdyq qyzmetaqy, onyń eshýaqytta da kúnkóris minimýmyna da, eń tómengi jalaqyǵa da bailanysy bolmaǵan. Sońǵy on jylda ol ózgergen joq. Biz qyzmettik ailyqty eń tómengi jalaqyǵa aýystyrý kerek dep sanaimyz. Olai bolsa azamattyq qyzmetkerlerdiń kestesi boiynsha jalpy jalaqy da kóteriletin bolady, - dedi.
Elbasy úndeýindegi bes bastamanyń biri - "Shaǵyn nesie berýdi kóbeitý". Otyrys barysynda bul bastamaǵa qatysty biraz jospar áli júzege aspaǵany da belgili boldy. Ulttyq ekonomika ministrliginiń aqparaty boiynsha jyl basynan beri josparlanǵan 14 myńnyń 12840 kishigirim nesiesi bólingen. Onyń 11 629-y aýylda jerge, qalalarda kásipkerler 3 myń kishigirim nesieniń 1211-in alyp, jospar bar-joǵy 41 % oryndalǵan.
- Bul bastama boiynsha bólingen nesielerdiń ishinen startap-jobalardy qoldaýǵa 8700-ge jýyq kishigirim kredit buiyrǵan, iakorlyq kooperatsiia – 925 kishigirim kreditti enshilegen, jeke biznesin keńeitýge -2 myń kishigirim kredit berilgen. Sonymen birge aýyldarda qosymsha 11 myńnan astam jumys oryndary qurylǵan. - Qalalarda 7 jeltoqsandaǵy jaǵdai boiynsha 13 mlrd teńgege 1200 joba qarjylandyryldy. Sondai-aq 2 mlrd teńgege jýyq 176 ótinish maquldandy, - dep atap ótti Serik Jumanǵarin.
Otyrys barysynda osy máselege qatysty qoiylǵan saýaldarǵa da jaýap berildi. Negizinen bul bastama boiynsha investorlar tartý máselesimen «Damý» Kásipkerlikti damytý qory» AQ ainalysady.
Partiia hatshysy Tamara Dúisenova osy uiym arqyly kishigirim nesiege bólingen qarajattyń durys igerilmei jatqanyn da atap ótti.
- "Damý" boiynsha shaǵyn nesiege bailanysty 2018 jyly bankterge bólingen 9,7 millird teńgeniń 42 %-y ǵana igerilgen. Al bul aqshalar ekinshi deńgeili bankterdiń esepshottarynda jatyr, - dep atap ótti.
Otyrys qorytyndysy boiynsha partiia Hatshysy Tamara Dúisenova barlyq qatysýshylarǵa Elbasy usynǵan bastamalar boiynsha jumystardy jaqsartý jaiyndaǵy usynystary men nátijeli jumysqa ornalastyrý baǵdarlamasy boiynsha baǵalaryn berýdi tapsyrdy. Elbasynyń halyqqa úndeýindegi bastamalardaǵy maqsat-mindetterdi tabysty júzege asyrýdyń joldary naqtylandy.
